mumukShuH- astitvako grahaN karanA vah svarUpakI mahimA hai?
samAdhAnaH- svabhAvakA astitva grahaN kare usame.n mahimA (A jAtI hai). vah astitva grahaN kab kare? apanI mahimA Aye tab hI grahaN karatA hai. usakI mahimA na Aye aur use rUkhA lage to grahaN hI na kare. usakI mahimA Aye to hI grahaN karatA hai. is j~nAyakame.n hI sab bharA hai. j~nAyak svaya.n bhagavAn hai.
jaise jinendra bhagavAnakI mahimA Aye, gurukI mahimA Aye, vaise j~nAyakadevakI mahimA Aye. vah bhI-j~nAyakadev bhI ek bhagavAn hai. ananta shaktiyo.nse bharA huA. jaise jinendra bhagavAn pragaTarUpase bhagavAn hai, vaise yah shaktirUpase bhagavAn hI hai. aise use a.ntarame.nse mahimA Aye, usakI ga.nbhIratA bhAse to usakA astitva grahaN kare. to mahimApUrvak kiyA huA, grahaN kiyA huA astitva jorapUrvakakA astitva use grahaN hotA hai. nahI.n to vah astitva grahaN nahI.n kar sakatA hai. rUkhA lage ki j~nAyak sirpha bolanemAtra ho to vah vAstavikarUpase grahaN nahI.n ho sakatA. shaktirUpase. gurudev kahate the ki tU bhagavAn hai. tU chaitanya bhagavAn hai. shaktirUpa. pragaT bAdame.n hotA hai.
mumukShuH- vichAr karatA hai phir bhI pariNatime.n nahI.n AtA hai athavA letA nahI.n.
samAdhAnaH- vichArame.n nakkI karatA hai, lekin vah kAryame.n nahI.n AtA hai. pariNati us rUp apanI or (AtI nahI.n). mai.n bhinna hU.N, yah hU.N, aisA nakkI karatA hai. parantu bhinnatArUp usakA jo kArya AnA chAhiye vah kArya nahI.n hotA hai, usakA kArya nahI.n karatA hai. isaliye pariNati jyo.nkI tyo.n ekatvatArUp pariNamatI rahatI hai.
mumukShuH- arthAt j~nAyakako grahaN nahI.n karatA?
samAdhAnaH- j~nAyakako grahaN nahI.n karatA hai isaliye pariNatime.n bhedaj~nAn hotA nahI.n. sva.nyako grahaN kare to vibhAvase bhed paDe ki yah mai.n hU.N aur yah nahI.n hU.N.
mumukShuH- isaliye puruShArthakI svaya.nkI hI kachAs hai.
samAdhAnaH- svaya.nkI kShati hai, puruShArthakI kachAs hai. svaya.nko grahaN kare, j~nAyakako grahaN kare balapUrvaka. us dR^iShTike avalambanase vah Age baDhatA hai. aur usakI aisI bhedaj~nAnakI dhArA, j~nAtAkI dhArA ugra ho to hI use vikalpa TUTakar svAnubhUti hotI