itanatI bhI kachAs mujhe nahI.n chAhiye. kAlA nAg arthAt vah mujhe AdaraNIy nahI.n hai, isaliye mai.n pUrNa ho jAu.N, aisI usakI ugra bhAvanA vartatI hai. nirvikalpa dashAke samay to us or upayog bhI nahI.n hai.
mumukShuH- hA.N, vah to bAhar Aneke bAd turantakI dashA bhI bahut achChI hotI hai.
samAdhAnaH- us vakta bhI use bhedaj~nAnakI hI dashA hotI hai. bAhar Aye to ekatvabuddhi hotI nahI.n. ekatva ho to-to usakI dashA hI na rahe. bhedaj~nAn, a.ntarame.n A.nshik shA.ntidhArA aur samAdhikI dhArA usakI vartatI rahatI hai. nirvikalpa dashAkI Ananda dashA ek alag bAt hai, parantu bAhar Aye to bhI shA.ntikI dhArA aur samAdhikI dhArA, j~nAyakadhArA vartatI hI hai. parantu alpa (vibhAv) hai to sahI, alpa bhI na ho to-to kevalaj~nAn (honA chAhiye). alpa hai, vah alpa bhI mujhe nahI.n chAhiye. itanA bhI mujhe nahI.n chAhiye. A.Nkhame.n rajakaN jitanA bhI nahI.n chAhiye. mai.n pUrNa ho jAU.N, isaliye kahatA hai ki vah kAlA nAg hai. mujhe yah kuCh nahI.n chAhiye.
mumukShuH- shabda kAlA nAg hai, isaliye kisIko aisA lage, aisA? kisIko aisA lage ki dveShabhAv hai?
samAdhAnaH- bhAvanA hai. vItarAgatAkI bhAvanA hai.
mumukShuH- j~nAnIko to Age-pIChe karanekI vR^itti nahI.n hotI, to aisA bhAv bhI kyo.n hotA hai?
samAdhAnaH- vItarAgatAkI bhAvanA to hotI hai na ki mai.n vItarAg kaise hoU.N? vItarAgatAkI bhAvanA hai. itanA rAg bhI mujhe nahI.n chAhiye. mujhe vItarAgatA pragaT hoo. kuCh na ho to use puruShArtha kaisA? to kR^itakR^itya ho gayA, to kevalaj~nAn ho jAya. usakI sAdhakakI dashA hai, puruShArthakI dhArA hai. isaliye mere puruShArthakI ugratA kaise ho, aisI bhAvanA hai. us bhAvanAke jorame.n kahatA hai ki yah kAlA nAg hai, yah mujhe nahI.n chAhiye. usakI AdaraNIy buddhi nahI.n hai, mujhe svabhAv hI AdaraNIy hai. mujhe svabhAv chAhiye, yah nahI.n chAhiye, itanA bhI nahI.n chAhiye.
bAhubalI muni aise dhyAname.n the, ChaThave.n-sAtave.n guNasthAname.n jhulate the. to unhe.n alpa vibhAv rahA ki mai.n bharatakI bhUmi par khaDA hU.N, utanA andar rahA to kevalaj~nAn nahI.n huA. arthAt j~nAnIko itanA rajakaN jitanA bhI mujhe nahI.n chAhiye. bAhar Aye taba. utanI bhAvanAkI ugratA hai. shA.ntikI dhArA hai, samAdhikI dhArA hai, sab hai, parantu itanA hai (vah bhI nahI.n chAhiye). puruShArtha hai, kevalaj~nAn nahI.n hai isaliye vah kahatA hai ki mujhe itanA bhI nahI.n chAhiye.