322
... Age nahI.n jAy tabatak shAstra abhyAs, usakA chi.ntavan, manan hotA hI hai. itanA paDhanA hI chAhiye yA itanA dhokhanA chAhiye, aisA koI siddhAnta nahI.n hai. a.ntarase samajhanA chAhiye. thoDA (prayojanabhUt) samajhe to bhI a.ntarase pragaT ho. use thoDA AtA ho. shivabhUti muni the, unhe.n kuCh yAd nahI.n rahatA thA. AtmA bhinna aur yah vibhAv bhinna (hai). itanI samajh huyI to a.ntarame.n Utar gaye.
mumukShuH- sabame.nse ek AtmAko bhinna kar lenA..
samAdhAnaH- mA-ruSh aur mA-tuSh kahA to utanA bhI yAd nahI.n rahA. gurudevane kyA kahA, rAg karanA nahI.n, dveSh karanA nahI.n, vah yAd nahI.n rahA. bAI dAl dho rahI thI. mere gurune kahA, ye dAl bhinna, ChilakA bhinna. AtmA bhinna aur vibhAvabhAv bhinna. aisA bhAv grahaN kar liyA. andarase bhedaj~nAn kiyA, AtmA bhinna aur yah bhinna hai. aisA karake a.ntaramee.nse (grahaN kar liyA). mUl prayojanabhUt grahaN karanA hai.
mumukShuH- aisA kuCh hai ki manuShyako bachapaname.n athavA ChoTI umrame.n kam khyAl Aye aur baDI umra ho tab use jyAdA bhAv ho?
samAdhAnaH- aisA koI niyam nahI.n hotA hai. UlaTA ChoTI umrame.n bahuto.nko jyAdA hotA hai. kisIko baDI umrame.n hotA hai, use umrake sAth koI sambandha nahI.n hai. umrake sAth kuCh sambandha nahI.n hai. AtmA svata.ntra hai.
jabatak na ho tabatak abhyAs karate hI rahanA. jise jo lagan lagI vah ChUTatI nahI.n. laukikame.n koI ras ho to usake pIChe lagakar vah kAm karatA hI rahatA hai, na ho to bhI. kuCh bhI ho, bAharakI koI kalA sIkhanI ho, kuCh sIkhanA ho to vah karatA hI rahatA hai, jabatak na Aye tabataka. vaise isake pIChe paDakar usakA abhyAs karatA hI rahe. utanA vishvAs aur utanI pratIti honI chAhiye ki isI mArgase AtmA pragaT honevAlA hai.