239
ananta kAl-se jo nahI.n huA aisA anupam tattva, aisA anupam Ananda aur ananta guN-se bharA chaitanyadravya, usakI svAnubhUti hotI hai. shUnyadashA nahI.n hotI hai, jAgR^iti hotI hai. vibhAvame.n jo thA, usase usakA jIvan palaT jAtA hai. usakI pariNati nyArI ho jAtI hai. usakI dashA koI adabhut ho jAtI hai. shUnyatA nahI.n hotI. apanA chaitanyakA astitva grahaN kare, usakA bhedaj~nAn karake bhItarame.n jAy to usakI prApti hotI hai.
mumukShuH- svAnubhav to paryAyame.n hotA hai. to sa.npUrNa AtmA us paryAyame.n A jAtA hai? paryAy to ek samayakI hai, to sa.npUrNa AtmA usame.n kaise AtA hai?
samAdhAnaH- ek samayakI paryAy hai. parantu AtmA to akhaNDa hai. ek paryAy a.nsh hai, vah palaT jAtI hai. AtmA svaya.n akhaNDa hai. vah anAdiananta shAshvat dravya hai. ek paryAy jo a.nsh hai, usame.n pUrA a.nshI nahI.n A jAtA. paryAy to a.nsh hai. svAnubhUti hotI hai, svAnubhUti paryAyame.n hotI hai, parantu usame.n dravya akhaNDa hai. pUrA dravya paryAyame.n ghUs jAtA hai, aisA nahI.n hai. paryAyame.n pUrA dravya A jAtA hai, aisA nahI.n.
mumukShuH- usakI anubhUti hotI hai? paryAyame.n anubhUti hotI hai.
samAdhAnaH- paryAyakI anubhUti hotI hai.
mumukShuH- lekin samay to bahut hI kam rahatA hai. mAlUm nahI.n paDatA hogA.
samAdhAnaH- mAlUm nahI.n paDatA hai, aisA nahI.n hai. samay a.ntarmuhUrta hotA hai. jisakI dashA badal jAtI hai, usako vedan-svAnubhUti hotI hai. chaitanyadravya hai, koI dUsarI vastu nahI.n hai. svaya.n sva hI hai. svakA anubhav sva karatA hai to usako khyAl nahI.n AtA hai, aisA nahI.n hotA. usako khyAlame.n AtA hai, usakA vedan hotA hai. paryAy a.nsh hai, vah a.nsh palaT jAtA hai, parantu dravya to shAshvat rahatA hai. dravya to anAdiananta shAshvat hai.
mumukShuH- svAnubhav honeke pahale dashA kis prakArakI hotI hai?
samAdhAnaH- usake pahalekI dashA to vah bhedaj~nAnakA abhyAs karatA hai. svAnubhUtike bAd bhedaj~nAnakI sahaj dhArA rahatI hai. j~nAyakakI dhArA, udayadhArA dono.n bhinna rahatI hai. svAnubhUtike pahale vah abhyAs karatA hai ki mai.n chaitanya bhinna hU.N, mai.n j~nAyak hU.N. mai.n anAdiananta shAshvat tattva hU.N. ye paryAy to kShaN-kShaName.n badalatA huA a.nsh hai. mai.n a.nshI akhaNDa hU.N. aise usakI dR^iShTi dravya par rahatI hai. usakA-dR^iShTikA viShay dravya rahatA hai aur aisA abhyAs karatA hai. yathArtha to svAnubhUtike bAd hotA hai. svAnubhUtime.n yathArtha hotA hai. usake pahale usakI pratIt karatA hai, usakA abhyAs karatA hai. bAra.nbAr mai.n chaitanya hU.N, ye vibhAv merA svabhAv nahI.n hai. mai.n chaitanya j~nAyak hU.N, aisA abhyAs karatA hai.
mumukShuH- j~nAnadhArA chalatI hai.