120
mumukShuH- j~nAnIkI savikalpa dashA itanI majabUt hai ki nirvikalpa upayogakI lAchArI karanI nahI.n paDatI, vah apaneAp hotA hai.
samAdhAnaH- usakI lAchArI nahI.n karanI paDatI. usakI dashA hI aisI hai. use shAnti aur hU.Nph hai hI. apanI dashA hI aisI hai. svaya.n kahI.n ekatvabuddhi-se vartatA nahI.n hai. bhinna hI vartatA hai. usakI nyArI pariNati hI us upayogako vApas lAtI hai. vah upayog bAhar la.nbe samay bAhar Tik nahI.n pAtA. vah upayog apane svarUpame.n phir-se lIn hue binA nahI.n rahatA. usakI nyArI pariNati hI use vApas lAtI hai. usakI lAchArI nahI.n karanI paDatI.
svaya.nko apanI hU.Nph hai. apanI pariNati hI us upayogako vApas lAtI hai. use aisA nahI.n hai ki nirvikalpa dashA kab AyegI? usakI rAh dekhakar baiThanA nahI.n hai. usakI use koI sha.nkA nahI.n hotI. pariNati hI us upayogako vApas khI.Nchakar lAtI hai.
samAdhAnaH- pariNati joradAr hotI hai to nirvikalpa dashA ho jAtI hai.
mumukShuH- j~nAnIko to chaubIso.n ghaNTe avalamban hotA hai.
samAdhAnaH- chaubIso.n ghaNTe Atma svabhAvakA avalamban hai. usakA upayog bAhar ekamek hotA hI nahI.n. upayog bAhar jAye to bhI bhinna hI hai. vah vApas svarUpame.n jame binA nahI.n rahatA. usakI ruchi use vApas (le AtI hai), usakI pariNati use vApas lAtI hai. aisA sahajapane hai.
mumukShuH- chyUt ho jAtA hai, usakA kyA kAraN?
samAdhAnaH- usakI pariNatime.n dikkat hai, usakA puruShArtha ChUT jAtA hai, usakI nyArI pariNati ChUT jAtI hai. ekatvabuddhi ho jAtI hai. j~nAyak bhinna, vibhAv bhinna vah pariNati jo j~nAtAkI dhArA kShaN-kShaName.n A.nshik j~nAtAdhArA, A.nshik shAntidhArA (chalatI rahatI hai). AtmAkI svAnubhUtikA Ananda alag hai. bAkI a.ntarame.n jo nyArI shAntidhArA aur j~nAyakadhArA thI, usakI pariNati ChUT jAtI hai. usakI pariNati ekamek ho jAtI hai. isaliye svAnubhUti chalI jAtI hai. vartamAn pariNati ChUTakar ekatvabuddhi ho jAtI hai. pariNati palaT jAtI hai.
samAdhAnaH- j~nAn-se rachit ek chaitanya vastu hI hai. j~nAn bAhar-se nahI.n AtA hai. vah jAnanevAlI pUrI vastu hI hai. dravya jAnanevAlA, usakA guN jAnanevAlA, usakI paryAyame.n jAnanevAlA, sarva prakAr-se vah jAnanevAlA hI hai, aisI ek vastu hI hai. jaise yah jaD hai, vah jaD kuCh jAnatA nahI.n. vah svaya.n jAnatA hI nahI.n hai. tab ek jAnanevAlI vastu hai ki sarva prakAr-se jAnanevAlI hI hai.