158 batAyA. kitano.nke sAth sambandha karake svaya.n AyA, svaya.nko ChoDakar kitane hI chale gaye aur svaya.n kisIko ChoDakar AyA hai. aise janma-maraN (kiye hai.n). kabhI lambA AyuShya, kabhI ChoTA AyuShya, aise anek jAtake janma jIvane dhAraN kiye hai.n. usame.n yah manuShyabhav milA. is manuShyabhavake andar ek AtmAkI pahichAn ho vah navIn hai. bAkI janma-maraN, janma-maraN jagatame.n chalate rahate hai.n.

rAg ho utanA duHkh ho, to bhI badalakar andarame.n samAdhAn karanA vahI shreyarUp hai. usakA dUsarA koI upAy nahI.n hai. sa.nsAr aisA hai, sa.nsArakA svarUp aisA hai. jIvane itane janma-maraN kiye hai.n ki jitane jagatake paramANu hai, use svaya.nne grahaN karake ChoDe hai.n. itane jagatake paramANuko (grahA hai).

pratyek AkAsh pradeshame.n ek-ek AkAsh pradesh par ananta bAr janma-maraN kiye. jitane vibhAvake adhyavasAy hai.n, sab ho gaye. utsarpiNI, avasarpiNI kAlake jitane samay hai.n, utanI bAr svaya.n ananta bAr janma-maraN kar chUkA. ananta bAr nigodame.n gayA, ananta bAr devalokake devake bhav kiye. narkame.n ananta bhav kiye, tirya.nke ananta bhav, manuShyake ananta bhav kiye. itane bhav jIvane kiye hai.n. usame.n kitano.nke sAth sambandha joDA hai aur ChoDA hai. jIvako aise ananta janma-maraN hue hai.n.

usame.n is pa.ncham kAlame.n yah manuShyabhav milA, usame.n gurudevakI vANI milI aur gurudevane jo yah mArga batAyA, us mArgako grahaN karanA vahI upAy hai. vahI shAnti aur sukhakA upAy hai. is jIvaname.n kuCh apUrvatA pragaT ho aur bhavakA abhAv ho, aise sa.nskAr Dale to vah shreyarUp hai. bAkI jIvane anek janma-maraN kiye hai.n. naTubhAIko bahut ruchi thI. a.ntarame.n vah ruchi lekar gaye hai.n. Ap sabako ruchi hai. gurudevane kahA hai vahI grahaN karanA hai.

jagatame.n kuCh apUrva nahI.n hai, koI padavI apUrva nahI.n hai. ek samyagdarshanakI padavI (prApta nahI.n kI). jinavarasvAmI jIvako mile hai.n, parantu usane pahachAnA nahI.n hai. isaliye mile hai.n vah nahI.n milane barAbar hai. ek samyagdarshan prApta nahI.n huA hai. ek vah apUrva hai. isaliye use prApta karaneke liye jIvako bhedaj~nAn kaise ho, AtmAkI pahichAn kaise ho (usakA prayatna karanA chAhiye).

is jagatame.n shAshvat AtmA hai. yah sharIr bhinna aur AtmA bhinna, dono.n bhinna- bhinna vastu hai. AtmA to shAshvat hai. ek deh ChoDakar dUsarA deh dhAraN karatA hai. AtmAkA to kahI.n maraN hotA nahI.n. janma-maraN AtmAke nahI.n hai. naTubhAIkA AtmA to shAshvat hai. AtmAkA maraN nahI.n hotA, AtmA to shAshvat hai. AtmA bhinna shAshvat hai, use grahaN kar lenA. vahI sachchA hai.