322 nahI.n hai, lekin usakA dhyey barAbar rakhanA. ho sake to dhyAnamay pratikramaN karanA aur na ho sake to shraddhA to avashya karanA. AchAryadevane kahA hai. ho sake to tU darshan-j~nAn-chAritrarup pariNaman karake kevalaj~nAnakI prApti karanA. dhyAnamay pratikramaNa. dhyAname.n aisI ugratA karanA ki svarupame.n lIn hokar bAhar na Aye aisI ugratA karanA. lekin us prakArakA dhyAnamay pratikramaN na ho sake to shraddhA to barAbar karanA ki mArga to yahI hai. na ho sake to thak kar dUsare, tIsare kahI.n thoDA karake mai.nne bahut kiyA, thoDe shubhabhAv karake mai.nne bahut kiyA aisA sa.ntoSh mat mAn lenA. sa.ntuShTa mat ho jAnA. (sa.ntuShya ho gayA to) tujhe Age jAnekA avakAsh nahI.n rahegA. lekin tU.n aisI bhAvanA rakhanA ki mArga to yahI hai. sa.ntoSh to a.ndar AtmAme.n-se sa.ntoSh Aye aur tR^ipti Aye vahI yathArtha hai. vah na ho tabatak usakI shraddhA barAbar rakhanA ki mArga to yahI hai. phir dhIre-dhIre chalenA ho yA jaldI chale usame.n koI dikkat nahI.n hai. lekin mArga to yathArtha grahaN karanA. AchAryadev aisA kahate hai.n, gurudev aisA kahate the.

mumukShuH- tR^ipti huI, yah kaise mAlUm paDe?

samAdhAnaH- vah apane Apako jAn sakatA hai, apanI ruchi aur jij~nAsAse. gurudevane jo mArga batAyA hai, us mArgako a.ndar gaharAI-se vichAr karake mArga yahI hai, aisA svaya.n nirNay karake vah jAn sakatA hai ki karanA yahI hai. is j~nAnasvabhAvako hI grahaN karanA hai. dUsarA kuCh grahaN nahI.n karanA hai. vah svaya.n apanI shraddhA aur pratItase apaneApako pahachAn sakatA hai, apanI pariNatiko.

itanA karate hai.n aur kuCh hotA nahI.n, aise thakakar tU usase pIChe mat haTanA, thakanA nahI.n. tere utsAhako manda mat karanA. utsAh to aisA hI rakhanA ki sabakuCh AtmAme.n hI hai, kahI.n aur nahI.n hai. mai.n kar nahI sakatA hU.N. utsAh to barAbar rakhanA. na ban pAye to dhIre chalanA ho, der lage usame.n koI dikkat nahI.n hai. lekin mArga dUsarA koI pakaD le ki thoDI kriyA karake dharma mAnA, shubhabhAv thoDA jyAdA huA to dharma ho gayA, aisA tU mat mAn lenA.

shuddhAtmA me.n hI.n dharma hai. nirvikalpa svarup hI AtmA hai aur shuddhAtmAme.n hI sab kuCh bharA hai, aisI shraddhA to barAbar rakhanA. bhedaj~nAn hI usakA upAy hai. AtmAke jo dravya-guN-paryAy yathArtha hai, us dravya par dR^iShTi karanA aur j~nAn sabakA karanA, a.ndar pariNati karanI, vah shraddhA barAbar karanA. na ho sake to mere puruShArthakI mandatA hai aisI tU bhAvanA rakhanA. lekin thakakar dUsare taraph muDanA nahI.n.

AtmAme.n hI sabakuCh hai. samyagdarshan apUrva hai gurudevane batAyA. ana.ntakAlame.n sabakuCh prApta kiyA lekin ek samyagdarshan durlabh hai. jinavar svAmI ana.ntakAlame.n mile nahI.n aur samyagdarshan prApta huA nahI.n. jinavar svAmI anek bAr mile lekin svaya.nne pahachAn nahI.n karI. samyagdarshan prApta karanekA sarvotkR^iShTa nimitta jinavar svAmI hai. nimitta aur upAdAn dono.n liyA. a.ndarame.n samyagdarshan nahI.n huA aur bAharame.n usakA sarvotkR^iShTa nimitta, use tUne barAbar pahachAnA nahI.n hai. nimitta-