289
mumukShuH- apane j~nAnasvabhAvame.n jo AtmAkA Ana.nd hai, us Ana.ndakA use kaise patA chale?
samAdhAnaH- vah Ana.nd to usako vedaname.n Aye tab mAlUm paDe. vedanase. svaya.n apanI taraph upayog karake usakI pratIt karake usame.n lIn hove to usako vah Ana.nd vedaname.n AtA hai vah mAlUm paDatA hai.
mumukShuH- lIn honekA koI prayog?
samAdhAnaH- lIn honekA prayog to pahale sachchA j~nAn ho bAdame.n sachchI lInatA hotI hai. sachchA j~nAn... usake mUl prayojanabhUt tattvako to jAnanA chAhiye ki mai.n yah tattva padArtha jAnanevAlA tattva hU.N. dUsarA kuCh mai.n nahI.n hU.N. parapadArtharup mai.n ana.nt kAlame.n huA nahI.n. ana.ntakAl usake sAth rahA. ana.ntakAl usake nimitto.nme.n basA hU.N, lekin mai.n par padArtharup huA nahI.n. mai.n chaitanyatattva bhinna hU.N.
ye vibhAvasvabhAv, ana.ntakAl vibhAv pariNatise pariNamA phir bhI mai.n vibhAvarup huA nahI.n. usakA mUl svabhAv jAne, usake dravya-guN-paryAyako jAne, usakA bhedaj~nAn kare, yathArtha j~nAn kare to usakI lInatA hotI hai. apane svabhAvako grahaN kare to usame.n lInatA ho na? svabhAvako grahaN kiye binA khaDA kahA.N rahegA? usakI lInatAkA jor kahA.N degA? lIn kahA.N hogA? bahut lInatA karane jAyegA to vikalpame.n lIn hogA. mai.n chaitanya hU.N... chaitanya hU.N... chaitanya hU.N... aise vikalpa karegA. lekin vikalpakI lInatA vah lInatA nahI.n hai. svabhAvako grahaN kare aur lInatA ho to sachchI lInatA hai.
mumukShuH- hajAro.n gA.Nv dUr apane gurudev, mAtAjI Apako to khyAl hai ki gurudev to dUr vaimAnik devame.n hai.n. phir bhI hame.n vikalpa dvArA aisA lagatA hai ki yahA.N gurudev padhAre.n, hame.n darshan diye aur ham kR^itakR^it ho gaye. apaneke to Ana.nd ho. gurudevashrI padhArakar darshan de to apaneko a.ndarase Ana.nd ho. lekin vah svapna yAnI ek svapna hI hai yA apanA a.ndarakA bhAv hai? vah kyA hai?
samAdhAnaH- svapnake bahut prakAr hote hai.n. koI svapna yathAtathya hotA hai, koI svapna apanI bhAvanAke kAraN, apanI shubh bhAvanA ho to svapna Aye. koI svapna yathArtha phal de. svapna yathArtha ho to. svapnake bahut prakAr hote hai.n. kuCh apaneko bhAs hotA hai, koI bhAs apanI manakI bhAvanAke kAraN hotA hai, kaI bAr yathArtha hotA hai. vah khud nakkI kar sake ki yah yathArtha hai ki apanI bhAvanAke kAraN jo raTan karatA hai, vah raTanakA svapna hai yA yathArtha hai, vah khudako nakkI karanA hai. svapna ke kaI prakAr hote hai.n.
mumukShuH- raTan kiyA ho, vah rAtame.n A jAya.
samAdhAnaH- jo raTan kiyA ho vahI svapna rAtame.n Aye. isaliye vah raTanake kAraN AtA hai. koI bAr yathAtathya bhI Aye. jo phalavAn svapna ho. mAtAko svapna Aye, bhagavAn padhArane