-
90 ] [ mokShamArgaprakAshak
is prakAr padArthamen iShTa-aniShTapanA hai nahIn. yadi padArthamen iShTa-aniShTapanA hotA to jo
padArtha iShTa hotA vah sabhIko iShTa hI hotA aur aniShTa hotA vah aniShTa hI hotA; parantu
aisA hai nahIn. yah jIv kalpanA dvArA unhen iShTa-aniShTa mAnatA hai so yah kalpanA jhUThI hai.
tathA padArtha sukhadAyak – upakArI yA dukhadAyak – anupakArI hotA hai so apane Ap
nahIn hotA, parantu puNya-pApake udayAnusAr hotA hai. jisake puNyakA uday hotA hai, usako
padArthonkA sanyog sukhadAyak – upakArI hotA hai aur jisake pApakA uday hotA hai use padArthonkA
sanyog dukhadAyak – anupakArI hotA hai. — aisA pratyakSha dekhate hain. kisIko strI-putrAdik
sukhadAyak hain, kisIko dukhadAyak hain; kisIko vyApAr karanese lAbh hai, kisIko nukasAn
hai; kisIke shatru bhI dAs hojAte hain, kisIke putra bhI ahitakArI hotA hai. isaliye jAnA
jAtA hai ki padArtha apane Ap iShTa-aniShTa nahIn hote, parantu karmodayake anusAr pravartate hain.
jaise kisIke naukar apane svAmIke kahe anusAr kisI puruShako iShTa-aniShTa utpanna karen to
vah kuchh naukaronkA karttavya nahIn hai, unake svAmIkA karttavya hai. koI naukaronko hI iShTa-
aniShTa mAne to jhUTh hai. usI prakAr karmake udayase prApta hue padArtha karmake anusAr jIvako
iShTa-aniShTa utpanna karen to vah koI padArthonkA karttavya nahIn hai, karmakA karttavya hai. yadi
padArthonko hI iShTa-aniShTa mAne to jhUTh hai.
isaliye yah bAt siddha huI ki padArthonko iShTa-aniShTa mAnakar unamen rAg-dveSh karanA
mithyA hai.
yahAn koI kahe ki — bAhya vastuonkA sanyog karmanimittase banatA hai, tab karmomen to
rAg-dveSh karanA?
samAdhAna — karma to jaD hain, unake kuchh sukh-dukh denekI ichchhA nahIn hai. tathA ve
svayamev to karmarUp pariNamit hote nahIn hain, isake bhAvonke nimittase karmarUp hote hain. jaise —
koI apane hAthase patthar lekar apanA sir phoD le to pattharakA kyA doSh hai? usI prakAr
jIv apane rAgAdik bhAvonse pudgalako karmarUp pariNamit karake apanA burA kare to karmakA
kyA doSh hai? isaliye karmase bhI rAg-dveSh karanA mithyA hai.
is prakAr paradravyonko iShTa-aniShTa mAnakar rAg-dveSh karanA mithyA hai. yadi paradravya
iShTa-aniShTa hote aur vahAn rAg-dveSh karatA to mithyA nAm na pAtA; ve to iShTa-aniShTa hain
nahIn aur yah iShTa-aniShTa mAnakar rAg-dveSh karatA hai, isaliye is pariNamanako mithyA kahA
hai. mithyArUp jo pariNaman, usakA nAm mithyAchAritra hai.