-
jinabimba virAjamAn hain; jinake darshanAdikase ek dharmopadeshake binA anya apane hitakI siddhi
jaise tIrthankar – kevalIke darshanAdikase hotI hai vaise hI hotI hai; un jinabimbonko hamArA namaskAr
ho.
punashcha, kevalIkI divyadhvani dvArA diye gaye upadeshake anusAr gaNadhar dvArA rache gaye
ang-prakIrNak, unake anusAr anya AchAryAdikon dvArA rache gaye granthAdik — aise ye sab
jinavachan hain; syAdvAd chihna dvArA pahichAnane yogya hain, nyAyamArgase aviruddha hain isaliye prAmANik
hain; jIvako tattvagnAnakA kAraN hain, isaliye upakArI hain; unhen hamArA namaskAr ho.
punashcha — chaityAlay, AryikA, utkRuShTa shrAvak Adi dravya; tIrthakShetrAdi kShetra; kalyANakAl
Adi kAl tathA ratnatray Adi bhAv; jo mere namaskAr karane yogya hain, unhen namaskAr karatA
hUn, tathA jo kinchit vinay karane yogya hain, unakI yathAyogya vinay karatA hUn.
is prakAr apane iShTonkA sanmAn karake mangal kiyA hai.
ab, ve arahantAdik iShTa kaise hain so vichAr karate hain — jisake dvArA sukh utpanna
ho tathA dukhakA vinAsh ho us kAryakA nAm prayojan hai; aur jisake dvArA us prayojanakI
siddhi ho vahI apanA iShTa hai. so hamAre is avasaramen vItarAg-visheShagnAnakA honA vahI prayojan
hai, kyonki usake dvArA nirAkul sachche sukhakI prApti hotI hai aur sarva AkulatArUp dukhakA
nAsh hotA hai.
arahantAdikase prayojanasiddhi
punashcha, is prayojanakI siddhi arahantAdik dvArA hotI hai. kis prakAr ? so vichArate
hain —
AtmAke pariNAm tIn prakArake hain — sanklesh, vishuddha aur shuddha. vahAn tIvra kaShAyarUp
sanklesh hain, mand kaShAyarUp vishuddha hain, tathA kaShAyarahit shuddha hain. vahAn vItarAg-visheShagnAnarUp
apane svabhAvake ghAtak jo gnAnAvaraNAdi ghAtiyA karma hain; unakA sanklesh pariNAmon dvArA to
tIvra bandha hotA hai, aur vishuddha pariNAmon dvArA mand bandh hotA hai, tathA vishuddha pariNAm
prabal hon to pUrvakAlamen jo tIvra bandh huA thA usako bhI mand karatA hai. shuddha pariNAmon
dvArA bandh nahIn hotA, keval unakI nirjarA hI hotI hai. arahantAdike prati stavanAdirUp jo
bhAv hote hain, ve kaShAyonkI mandatA sahit hI hote hain, isaliye ve vishuddha pariNAm hain. punashcha,
samasta kaShAy miTAnekA sAdhan hain, isaliye shuddha pariNAmakA kAraN hain; so aise pariNAmonse
6 ] [ mokShamArgaprakAshak