-
dūsarā adhikār ][ 23
aisā āgamameṁ kahā hai tathā yuktise bhī aisā hī saṁbhav hai ki — karmake nimitta binā
pahale jīvako rāgādik kahe jāyeṁ to rāgādik jīvakā ek svabhāv ho jāyeṁ; kyoṁki
paranimittake binā ho usīkā nām svabhāv hai.
isaliye karmakā sambandha anādi hī mānanā.
yahān̐ praśna hai ki — nyāre-nyāre dravya aur anādise unakā sambandha — aisā kaise saṁbhav hai?
samādhān : — jaise mūl hī se jal — dūdhakā, sonā — kiṭṭikakā, tuṣ — kaṇakā tathā
tel — tilakā sambandha dekhā jātā hai, navīn inakā milāp huā nahīṁ hai; vaise hī anādise
jīvakarmakā sambandha jānanā, navīn inakā milāp huā nahīṁ hai. phi ra tumane kahā — ‘kaise
saṁbhav hai?’ anādise jis prakār kaī bhinna dravya haiṁ, vaise hī kaī mile dravya haiṁ; is prakār
saṁbhav honemeṁ kuch virodh to bhāsit nahīṁ hotā.
phi ra praśna hai ki — sambandha athavā saṁyog kahanā to tab saṁbhav hai jab pahale bhinna
hoṁ aur phi ra mileṁ. yahān̐ anādise mile jīv-karmoṁkā sambandha kaise kahā hai?
samādhān : — anādise to mile the; parantu bādameṁ bhinna hue tab jānā ki bhinna the
to bhinna hue, isaliye pahale bhī bhinna hī the — is prakār anumānase tathā kevalajñānase pratyakṣa
bhinna bhāsit hote haiṁ. isase, unakā bandhan hone par bhī bhinnapanā pāyā jātā hai. tathā
us bhinnatākī apekṣā unakā sambandha athavā saṁyog kahā hai; kyoṁki naye mile, yā mile
hī hoṁ, bhinna dravyoṁke milāpameṁ aise hī kahanā saṁbhav hai.
is prakār in jīv-karmakā anādi sambandha hai.
jīv aur karmoṁ kī bhinnatā
vahān̐ jīvadravya to dekhane-jānanerūp cetanāguṇakā dhārak hai tathā indriyagamya na hone
yogya amūrttik hai, saṁkoc-vistār śaktisahit asaṁkhyātapradeśī ekadravya hai. tathā karma hai vah
cetanāguṇarahit jaṛ hai aur mūrttik hai, ananta pudgalaparamāṇuoṁkā piṇḍa hai, isalie ekadravya
nahīṁ hai. is prakār ye jīv aur karma haiṁ — inakā anādisambandha hai, to bhī jīvakā koī
pradeś karmarūp nahīṁ hotā aur karmakā koī paramāṇu jīvarūp nahīṁ hotā; apane-apane lakṣaṇako
dhāraṇ kiye bhinna-bhinna hī rahate haiṁ. jaise sone-cān̐dīkā ek skaṁdh ho, tathāpi pītādi guṇoṁko
dhāraṇ kie sonā bhinna rahatā hai aur śvetādi guṇoṁko dhāraṇ kiye cān̐dī bhinna rahatī hai —
vaise bhinna jānanā.