Moksha-Marg Prakashak-Hindi (iso15919 transliteration). Page: 56.

66 ] [ mokṣamārgaprakāśak

kadācit kiṁcit kisī kāraṇase hote haiṁ. tathā arati-śok-bhay-jugupsāke bāhya kāraṇ ban
rahe haiṁ, isaliye ve kaṣāyeṁ tīvra pragaṭ hotī haiṁ. tathā vedoṁmeṁ napuṁsakaved hai, so icchā to
bahut aur strī-puruṣoṁse ramaṇ karanekā nimitta nahīṁ hai, isaliye mahā pīṛit haiṁ.

is prakār kaṣāyoṁ dvārā ati duḥkhī haiṁ.
tathā vedanīyameṁ asātā hī kā uday hai usase vahān̐ anek vedanāoṁke nimitta haiṁ, śarīrameṁ

kuṣṭha, kās, śvāsādi anek rog yugapat pāye jāte haiṁ aur kṣudhā, tr̥ṣā aisī hai ki sarvakā
bhakṣaṇ-pān karanā cāhate haiṁ, aur vahān̐kī miṭṭīkā hī bhojan milatā hai, vah miṭṭī bhī aisī
hai ki yadi yahān̐ ā jāye to usakī durgandhase kaī kosoṁke manuṣya mar jāyeṁ. aur vahān̐ śīt,
uṣṇatā aisī hai ki yadi lākh yojanakā lohekā golā ho to vah bhī unase bhasma ho jāye.
kahīṁ śīt hai kahīṁ uṣṇatā hai. tathā pr̥thvī vahān̐ śastroṁse bhī mahātīkṣṇa kaṁṭakoṁ sahit hai.
us pr̥thvīmeṁ jo van haiṁ ve śastrakī dhār samān patrādi sahit haiṁ. nadī aise jal yukta hai ki
jisakā sparśa hone par śarīr khaṇḍa-khaṇḍa ho jāye. pavan aisā pracaṇḍa hai ki usase śarīr
dagdha ho jātā hai. tathā nārakī ek-dūsareko anek prakārase pīṛā dete haiṁ, ghānīmeṁ pelate haiṁ,
khaṇḍa-khaṇḍa kar ḍālate haiṁ, haṁḍiyoṁmeṁ rān̐dhate haiṁ, koṛe mārate haiṁ, tapta lohādikakā sparśa karāte
haiṁ — ityādi vedanā utpanna karate haiṁ. tīsarī pr̥thvī tak asurakumār dev jāte haiṁ. ve svayaṁ

pīṛā dete haiṁ aur paraspar laṛāte haiṁ. aisī vedanā hone par bhī śarīr chūṭatā nahīṁ hai, pārekī
bhān̐ti khaṇḍa-khaṇḍa ho jāne par bhī mil jātā hai. — aisī mahā pīṛā hai.

tathā sātākā nimitta to kuch hai nahīṁ. kisī aṁśameṁ kadācit kisīko apanī mānyatāse

kisī kāraṇ-apekṣā sātākā uday hotā hai to vah balavān nahīṁ hotā. āyu vahān̐ bahut hai.
jaghanya āyu das hajār varṣa tathā utkr̥ṣṭa āyu tetīs sāgar hai. itane kāl tak vahān̐ aise
duḥkh sahane paṛate haiṁ. vahān̐ nāmakarmakī sarva pāpaprakr̥tiyoṁkā hī uday hai, ek bhī puṇyaprakr̥tikā
uday nahīṁ hai; unase mahā duḥkhī haiṁ. tathā gotrameṁ nīc gotrakā hī uday hai usase mahantatā
nahīṁ hotī, isaliye duḥkhī hī haiṁ. — is prakār narakagatimeṁ mahā duḥkh jānanā.

tiryaṁc gatike duḥkh

tathā tiryaṁcagatimeṁ bahut labghi-aparyāpta jīv haiṁ. unakī to ucchvāsake aṭhārahaveṁ bhāg-

mātra āyu hai. tathā kitane hī paryāpta bhī choṭe jīv haiṁ, parantu unakī śakti pragaṭ bhāsit
nahīṁ hotī. unake duḥkh ekendriyavat jānanā; jñānādikakā viśeṣ hai so viśeṣ jānanā.
tathā baṛe paryāpta jīv kitane hī sammūrcchan haiṁ, kitane hī garbhaj haiṁ. unameṁ jñānādik pragaṭ

< Previous Page Next Page >