-
jinabimba virājamān hain; jinake darshanādikase ek dharmopadeshake binā anya apane hitakī siddhi
jaise tīrthaṅkar – kevalīke darshanādikase hotī hai vaise hī hotī hai; un jinabimboṅko hamārā namaskār
ho.
punashcha, kevalīkī divyadhvani dvārā diye gaye upadeshake anusār gaṇadhar dvārā rache gaye
aṅg-prakīrṇak, unake anusār anya āchāryādikon dvārā rache gaye granthādik — aise ye sab
jinavachan hain; syādvād chihna dvārā pahichānane yogya hain, nyāyamārgase aviruddha hain isaliye prāmāṇik
hain; jīvako tattvagnānakā kāraṇ hain, isaliye upakārī hain; unhen hamārā namaskār ho.
punashcha — chaityālay, āryikā, utkr̥uṣhṭa shrāvak ādi dravya; tīrthakṣhetrādi kṣhetra; kalyāṇakāl
ādi kāl tathā ratnatray ādi bhāv; jo mere namaskār karane yogya hain, unhen namaskār karatā
hūn̐, tathā jo kiñchit vinay karane yogya hain, unakī yathāyogya vinay karatā hū̃n.
is prakār apane iṣhṭoṅkā sanmān karake maṅgal kiyā hai.
ab, ve arahantādik iṣhṭa kaise hain so vichār karate hainḥ — jisake dvārā sukh utpanna
ho tathā duḥkhakā vināsh ho us kāryakā nām prayojan hai; aur jisake dvārā us prayojanakī
siddhi ho vahī apanā iṣhṭa hai. so hamāre is avasaramen vītarāg-visheṣhagnānakā honā vahī prayojan
hai, kyoṅki usake dvārā nirākul sachche sukhakī prāpti hotī hai aur sarva ākulatārūp duḥkhakā
nāsh hotā hai.
arahantādikase prayojanasiddhi
punashcha, is prayojanakī siddhi arahantādik dvārā hotī hai. kis prakār ? so vichārate
hainḥ —
ātmāke pariṇām tīn prakārake hain — saṅklesh, vishuddha aur shuddha. vahān̐ tīvra kaṣhāyarūp
saṅklesh hain, mand kaṣhāyarūp vishuddha hain, tathā kaṣhāyarahit shuddha haĩn. vahān̐ vītarāg-visheṣhagnānarūp
apane svabhāvake ghātak jo gnānāvaraṇādi ghātiyā karma hain; unakā saṅklesh pariṇāmon dvārā to
tīvra bandha hotā hai, aur vishuddha pariṇāmon dvārā mand bandh hotā hai, tathā vishuddha pariṇām
prabal hon to pūrvakālamen jo tīvra bandh huā thā usako bhī mand karatā hai. shuddha pariṇāmon
dvārā bandh nahīn hotā, keval unakī nirjarā hī hotī hai. arahantādike prati stavanādirūp jo
bhāv hote hain, ve kaṣhāyoṅkī mandatā sahit hī hote hain, isaliye ve vishuddha pariṇām haĩn. punashcha,
samasta kaṣhāy miṭānekā sādhan hain, isaliye shuddha pariṇāmakā kāraṇ hain; so aise pariṇāmonse
6 ] [ mokṣhamārgaprakāshak