Moksha-Marg Prakashak-Hindi (simplified iso15919 transliteration). Page: 5.

pahalā adhikār ][ 15

vyākhyān ho usakā anya prayojan pragaṭ karake viparīt pravr̥utti karāye. punashcha, vaktā kaisā
honā chāhiye ki jise jinaāgnā bhaṅg karanekā bhay bahut ho; kyoṅki yadi aisā nahīn ho
to koī abhiprāy vichār kar sūtraviruddha upadesh dekar jīvoṅkā burā kare. so hī kahā
haiḥ —

bahuguṇavijjāṇilayo asuttabhāsī tahāvi muttavvo.

jah varamaṇijutto vi hu vigghayaro visaharo loe..

arthaḥ — jo anek kṣhamādikaguṇ tathā vyākaraṇādi vidyākā sthān hai, tathāpi utsūtrabhāṣhī

hai to chhoṛaneyogya hī hai. jaise ki — utkr̥uṣhṭa maṇisanyukta hone par bhī sarpa hai so lokamen

vighna hī kā karanevālā hai.

punashcha, vaktā kaisā honā chāhiye ki jisako shāstra parḥakar ājīvikā ādi laukik-

kārya sādhanekī ichchhā na ho; kyoṅki yadi āshāvān ho to yathārtha upadesh nahīn de sakatā,
use to kuchh shrotāoṅke abhiprāyake anusār vyākhyān karake apanā prayojan sādhanekā hī
sādhan rahe. tathā shrotāonse vaktākā pad uchcha hai; parantu yadi vaktā lobhī ho to vaktā
svayam hīn ho jāy aur shrotā uchcha ho.

punashcha, vaktā kaisā honā chāhiye ki jisake tīvra krodh - mān nahīn ho; kyoṅki

tīvra krodhī-mānīkī nindā hogī, shrotā usase ḍarate raheṅge, tab usase apanā hit kaise kareṅge ?
punashcha, vaktā kaisā honā chāhiye ki jo svayam hī nānā prashna uṭhākar svayam hī uttar de;
athavā anya jīv anek prakārase bahut bār prashna karen to miṣhṭa vachan dvārā jis prakār
unakā sandeh dūr ho usī prakār samādhān kare. yadi svayammen uttar denekī sāmarthya na ho
to aisā kahe ki isakā mujhe gnān nahīn hai; kyoṅki yadi aisā na ho to shrotāoṅkā
sandeh dūr nahīn hogā, tab kalyāṇ kaise hogā ? aur jinamatakī prabhāvanā bhī nahīn ho
sakegī.

punashcha, vaktā kaisā honā chāhiye ki jisake anītirūp lokanindya kāryoṅkī pravr̥utti na

ho; kyoṅki lokanindya kāryonse vah hāsyakā sthān ho jāye, tab usakā vachan kaun pramāṇ
kare ? vah jinadharmako lajāye. punashcha, vaktā kaisā honā chāhiye ki jisakā kul hīn na
ho, aṅg hīn na ho, svar bhaṅg na ho, miṣhṭa vachan ho, prabhutva ho; jisase lokamen mānya
ho — kyoṅki yadi aisā na ho to use vaktāpanekī mahantatā shobhe nahīn — aisā vaktā ho.

vaktāmen ye guṇ to avashya chāhiye.

< Previous Page Next Page >