-
chauthA adhikAr ][ 89
ki mai.n ise chalA rahA hU.N to vah asatya mAnatA hai; yadi usake chalAnese chalatI ho to jab
vah nahI.n chalatI tab kyo.n nahI.n chalAtA? usI prakAr padArtha pariNamit hote hai.n aur yah jIv
unakA anusaraN karake aisA mAnatA hai ki inako mai.n aisA pariNamit kar rahA hU.N, parantu vah
asatya mAnatA hai; yadi usake pariNamAnese pariNamit hote hai.n to ve vaise pariNamit nahI.n hote
tab kyo.n nahI.n pariNamAtA? so jaisA svaya.n chAhatA hai vaisA padArthakA pariNaman kadAchit aise
hI ban jAy tab hotA hai. bahut pariNaman to jinhe.n svaya.n nahI.n chAhatA vaise hI hote dekhe
jAte hai.n, isalie yah nishchay hai ki apane karanese kisIkA sadbhAv yA abhAv hotA nahI.n.
tathA yadi apane karanese sadbhAv-abhAv hote hI nahI.n to kaShAyabhAv karanese kyA ho?
keval svaya.n hI duHkhI hotA hai. jaise — kisI vivAhAdi kAryome.n jisakA kuCh bhI kahA nahI.n
hotA, vah yadi svaya.n karttA hokar kaShAy kare to svaya.n hI duHkhI hotA hai — usI prakAr jAnanA.
isaliye kaShAyabhAv karanA aisA hai jaise jalakA bilonA kuCh kAryakArI nahI.n hai.
isaliye in kaShAyo.nkI pravR^ittiko mithyAchAritra kahate hai.n.
iShTa-aniShTakI mithyA kalpanA
tathA kaShAyabhAv hote hai.n so padArtho.nko iShTa-aniShTa mAnane par hote hai.n, so iShTa-aniShTa
mAnanA bhI mithyA hai; kyo.nki koI padArtha iShTa-aniShTa hai nahI.n.
kaise? so kahate hai.nH — jo apaneko sukhadAyak – upakArI ho use iShTa kahate hai.n; apaneko
duHkhadAyak – anupakArI ho use aniShTa kahate hai.n. lokame.n sarva padArtha apane-apane svabhAvake hI
karttA hai.n, koI kisIko sukh-duHkhadAyak, upakArI-anupakArI hai nahI.n. yah jIv hI apane
pariNAmo.nme.n unhe.n sukhadAyak – upakArI mAnakar iShTa jAnatA hai athavA duHkhadAyak – anupakArI
jAnakar aniShTa mAnatA hai; kyo.nki ek hI padArtha kisIko iShTa lagatA hai, kisIko aniShTa lagatA
hai. jaise – jise vastra na milatA ho use moTA vastra iShTa lagatA hai aur jise patalA vastra milatA
hai use vah aniShTa lagatA hai. sUkarAdiko viShTA iShTa lagatI hai, devAdiko aniShTa lagatI hai.
kisIko meghavarShA iShTa lagatI hai, kisIko aniShTa lagatI hai. — isI prakAr anya jAnanA.
tathA isI prakAr ek jIvako bhI ek hI padArtha kisI kAlame.n iShTa lagatA hai, kisI
kAlame.n aniShTa lagatA hai. tathA yah jIv jise mukhyarUpase iShTa mAnatA hai, vah bhI aniShTa
hotA dekhA jAtA hai — ityAdi jAnanA. jaise — sharIr iShTa hai, parantu rogAdi sahit ho tab
aniShTa ho jAtA hai; putrAdik iShTa hai.n, parantu kAraN milane par aniShTa hote dekhe jAte hai.n —
ityAdi jAnanA. tathA yah jIv jise mukhyarUpase aniShTa mAnatA hai, vah bhI iShTa hotA dekhate
hai.n. jaise — gAlI aniShTa lagatI hai, parantu sasurAlame.n iShTa lagatI hai. ityAdi jAnanA.