Moksha-Marg Prakashak-Hindi (itrans transliteration). Page: 99.

pA.NchavA.N adhikAr ][ 109

yugapat (ek sAth) kaise sa.nhAr karatA hai? tathA mahesh to ichChA hI karatA hai, usakI ichChAse
svayamev unakA sa.nhAr hotA hai; to usake sadAkAl mAranerUp duShTa pariNAm hI rahA karate
ho.nge aur anek jIvo.nko ekasAth mAranekI ichChA kaise hotI hogI? tathA yadi mahApralay
hone par sa.nhAr karatA hai to paramabrahmakI ichChA hone par karatA hai yA usakI binA ichChA
hI karatA hai? yadi ichChA hone par karatA hai to param brahmake aisA krodh kaise huA ki
sarvathA pralay karanekI ichChA huI? kyo.nki kisI kAraN binA nAsh karanekI ichChA nahI.n hotI
aur nAsh karanekI jo ichChA usIkA nAm krodh hai so kAraN batalA?

tathA tU kahegA — paramabrahmane yah khel banAyA thA, phi ra dUr kar diyA, kAraN kuCh

bhI nahI.n hai. to khel banAnevAleko bhI khel iShTa lagatA hai tab banAtA hai, aniShTa lagatA
hai tab dUr karatA hai. yadi use yah lok iShTa-aniShTa lagatA hai to use lokase rAg-dveSh
to huA. brahmakA svarUp sAkShIbhUt kisaliye kahate ho; sAkShIbhUt to usakA nAm hai jo
svayamev jaise ho usIprakAr dekhatA-jAnatA rahe. yadi iShTa-aniShTa mAnakar utpanna kare, naShTa kare,
use sAkShIbhUt kaise kahe.n? kyo.nki sAkShIbhUt rahanA aur kartA-hartA honA yah dono.n paraspar virodhI
hai.n; ekako dono.n sambhav nahI.n hai.n.

tathA paramabrahmake pahale to yah ichChA huI thI ki ‘‘mai.n ek hU.N so bahut hoU.NgA’’ tab

bahut huA. ab aisI ichChA huI hogI ki ‘‘mai.n bahut hU.N so kam hoU.NgA’’. so jaise koI
bholepanase kArya karake phi ra us kAryako dUr karanA chAhe; usI prakAr paramabrahmane bhI bahut hokar
ek honekI ichChA kI so mAlUm hotA hai ki bahut honekA kArya kiyA hogA so bholepanahIse
kiyA hogA, AgAmI j~nAnase kiyA hotA to kisaliye use dUr karanekI ichChA hotI?

tathA yadi paramabrahmakI ichChA binA hI mahesh sa.nhAr karatA hai to yah paramabrahmakA va

brahmakA virodhI huA.

phi ra pUChate hai.n — yah mahesh lokakA sa.nhAr kaise karatA hai? apane a.ngo.nse hI sa.nhAr

karatA hai ki ichChA hone par svayamev hI sa.nhAr hotA hai? yadi apane a.ngo.nse sa.nhAr karatA
hai to sabakA ek sAth sa.nhAr kaise karatA hai? tathA isakI ichChA honese svayamev sa.nhAr hotA
hai; tab ichChA to paramabrahmane kI thI, isane sa.nhAr kyo.n kiyA?

phi ra ham pUChate hai.n ki — sa.nhAr hone par sarvalokame.n jo jIv-ajIv the ve kahA.N gaye?

tab vah kahatA hai — jIvo.nme.n jo bhakta the ve to brahmame.n mil gaye, anya mAyAme.n mil gaye.

ab isase pUChate hai.n ki — mAyA brahmase alag rahatI hai ki bAdame.n ek ho jAtI hai?

< Previous Page Next Page >