-
164 ] [ mokShamArgaprakAshak
tathA aisA kutarka karate hai.n ki — jisake jis vastukA tyAg ho usake Age us
vastukA rakhanA hAsya karanA hai; isaliye cha.ndanAdi dvArA arahantakI pUjan yukta nahI.n hai.
samAdhAnaH — munipad lete hI sarva parigrah tyAg kiyA thA, kevalaj~nAn honeke pashchAt
tIrtha.nkaradevake samavasharaNAdi banAye, Chatra – cha.NvarAdi kiye, so hAsya kiyA yA bhakti kI? hAsya
kiyA to indra mahApApI huA; so banatA nahI.n hai. bhakti kI to pUjanAdikame.n bhI bhakti
hI karate hai.n. Chadmasthake Age tyAg kI huI vastukA rakhanA hAsya karanA hai; kyo.nki usake
vikShiptatA ho AtI hai. kevalIke va pratimAke Age anurAgase uttam vastu rakhanekA doSh
nahI.n hai; unake vikShiptatA nahI.n hotI. dharmAnurAgase jIvakA bhalA hotA hai.
phi ra ve kahate hai.n — pratimA banAneme.n, chaityAlayAdi karAneme.n, pUjanAdi karAneme.n hi.nsA hotI
hai, aur dharma ahi.nsA hai; isaliye hi.nsA karake dharma mAnanese mahApAp hotA hai; isalie ham
in kAryo.nkA niShedh karate hai.n.
uttaraH — unhI.nke shAstrame.n aisA vachan haiH —
suchchA jANai kallANa.n suchchA jANai pAvaga.n.
ubhaya.n pi jANae suchchA ja.n sey ta.n samAyar..1..
yahA.N kalyAN, pAp aur ubhay — yah tIno.n shAstra sunakar jAne, aisA kahA hai. so
ubhay to pAp aur kalyAN milanese hogA, so aise kAryakA bhI honA ThaharA. vahA.N pUChate
hai.n — keval dharmase to ubhay halkA hai hI, aur keval pApase ubhay burA hai yA bhalA hai?
yadi burA hai to isame.n to kuCh kalyANakA a.nsh milA hai, pApase burA kaise kahe.n? bhalA
hai, to keval pApako Cho.Dkar aise kArya karanA ThaharA. tathA yuktise bhI aisA hI sambhav
hai. koI tyAgI hokar mandirAdik nahI.n banavAtA hai va sAmAyikAdik niravadya kAryo.nme.n pravartatA
hai; to unhe.n Cho.Dkar pratimAdi karAnA va pUjanAdi karanA uchit nahI.n hai. parantu koI apane
rahaneke lie makAn banAye, usase to chaityAlayAdi karAnevAlA hIn nahI.n hai. hi.nsA to huI,
parantu usake to lobh – pApAnurAgakI vR^iddhi huI aur isake lobh ChUTakar dharmAnurAg huA.
tathA koI vyApArAdi kArya kare, usase to pUjanAdi kArya karanA hIn nahI.n hai. vahA.N to
hi.nsAdi bahut hote hai.n, lobhAdi ba.DhtA hai, pApakI hI pravR^itti hai. yahA.N hi.nsAdik bhI ki.nchit
hote hai.n, lobhAdik ghaTate hai.n aur dharmAnurAg ba.DhtA hai. — is prakAr jo tyAgI na ho.n, apane
dhanako pApame.n kharchate ho.n, unhe.n chaityAlayAdi banavAnA yogya hai. aur jo niravadya sAmAyikAdi
kAryo.nme.n upayogako na lagA sake.n unako pUjanAdi karanekA niShedh nahI.n hai.