Moksha-Marg Prakashak-Hindi (itrans transliteration). Page: 159.

ChaThavA.N adhikAr ][ 169

tathA un devo.nkA sevan karate hue un devo.nkA to nAm dete hai.n aur anya jIvo.nkI

hi.nsA karate hai.n tathA bhojan, nR^ityAdi dvArA apanI indriyo.nkA viShay poShaN karate hai.n; so
pApapariNAmo.nkA phal to lage binA rahegA nahI.n. hi.nsA viShay-kaShAyo.nko sab pAp kahate hai.n
aur pApakA phal bhI sab burA hI mAnate hai.n; tathA kudevo.nke sevaname.n hi.nsA-viShayAdikakA hI
adhikAr hai; isaliye kudevo.nke sevanase paralokame.n bhalA nahI.n hotA.

vyantarAdikA svarUp aur unake pUjanekA niShedh

tathA bahutase jIv is paryAyasambandhI, shatrunAshAdik va rogAdik miTAne, dhanAdikakI

va putrAdikakI prApti, ityAdi duHkh miTAne va sukh prApta karaneke anek prayojan sahit
kudevAdikA sevan karate hai.n; hanumAnAdikako pUjate hai.n; deviyo.nko pUjate hai.n; ganagaur, sA.njhI Adi
banAkar pUjate hai.n; chauth, shItalA, dahA.DI Adi ko pUjate hai.n; bhUt-pret, pitar, vyantarAdikako
pUjate hai.n; sUrya-chandramA, shanishcharAdi jyotiShiyo.nko pUjate hai.n; pIr-paiga.nbarAdikako pUjate hai.n; gAy,
gho.DA Adi tirya.ncho.nko pUjate hai.n; agni-jalAdikako pUjate hai.n; shastrAdikako pUjate hai.n; adhik
kyA kahe.n, ro.DA ityAdikako bhI pUjate hai.n.

so is prakAr kudevAdikakA sevan mithyAdR^iShTise hotA hai; kyo.nki pratham to vah jinakA

sevan karatA hai uname.nse kitane hI to kalpanAmAtra dev hai.n; isaliye unakA sevan kAryakArI
kaise hogA? tathA kitane hI vyantarAdik hai.n; so ve kisIkA bhalA-burA karaneko samartha nahI.n
hai.n. yadi ve hI samartha ho.nge to ve hI kartA Thahare.nge; parantu unake karanese kuCh hotA dikhAI
nahI.n detA; prasanna hokar dhanAdik nahI.n de sakate aur dveShI hokar burA nahI.n kar sakate.

yahA.N koI kahe — duHkh dete to dekhe jAte hai.n; mAnanese duHkh denA rok dete hai.n?

uttaraH — isake pApakA uday ho, tab unake aisI hI kutUhalabuddhi hotI hai, usase

ve cheShTA karate hai.n, cheShTA karanese yah duHkhI hotA hai. tathA ve kutUhalase kuCh kahe.n aur
yah unakA kahA huA na kare, to ve cheShTA karate ruk jAte hai.n; tathA ise shithil jAnakar
kutUhal karate rahate hai.n. yadi isake puNyakA uday ho to kuCh kar nahI.n sakate.

aisA bhI dekhA jAtA hai — koI jIv unako nahI.n pUjate, va unakI nindA karate hai.n

va ve bhI usase dveSh karate hai.n, parantu use duHkh nahI.n de sakate. aisA bhI kahate dekhe jAte
hai.n ki — amuk hamako nahI.n mAnatA, parantu us par hamArA kuCh vash nahI.n chalatA. isaliye

vyantarAdik kuCh karaneme.n samartha nahI.n hai.n, isake puNya-pApase hI sukh-duHkh hotA hai; unake mAnane-
pUjanese ulaTA rog lagatA hai, kuCh kAryasiddhi nahI.n hotI.

< Previous Page Next Page >