-
258 ] [ mokShamArgaprakAshak
anyathA hai? vahA.N anumAnAdi pramANase barAbar samajhe. athavA upadesh to aisA hai aur aisA
na mAne.n to aisA hogA; so iname.n prabal yukti kaun hai aur nirbal yukti kaun hai? jo
prabal bhAsit ho use satya jAne. tathA yadi upadeshame.n anyathA satya bhAsit ho, athavA
usame.n sandeh rahe, nirdhAr na ho; to jo visheShaj~na ho.n unase pUChe aur ve uttar de.n usakA
vichAr kare. isI prakAr jab tak nirdhAr na ho tab tak prashna-uttar kare. athavA
samAnabuddhike dhArak ho.n unase apanA vichAr jaisA huA ho vaisA kahe aur prashna-uttar dvArA
paraspar charchA kare; tathA jo prashnottarame.n nirUpaN huA ho usakA ekAntame.n vichAr kare.
isIprakAr jab tak apane a.ntara.ngame.n — jaisA upadesh diyA thA vaisA hI nirNay hokar
— bhAv
bhAsit na ho tab tak isI prakAr udyam kiyA kare.
tathA anyamatiyo.n dvArA jo kalpit tattvo.nkA upadesh diyA gayA hai, usase jain upadesh
anyathA bhAsit ho va sandeh ho — tab bhI pUrvokta prakArase udyam kare.
aisA udyam karane par jaisA jinadevakA upadesh hai vaisA hI satya hai, mujhe bhI isI
prakAr bhAsit hotA hai — aisA nirNay hotA hai; kyo.nki jinadev anyathAvAdI hai.n nahI.n.
yahA.N koI kahe ki jinadev yadi anyathAvAdI nahI.n hai.n to jaisA unakA upadesh hai
vaisA hI shraddhAn kar le.n, parIkShA kisaliye kare.n?
samAdhAnaH — parIkShA kiye binA yah to mAnanA ho sakatA hai ki jinadevane aisA kahA
hai so satya hai; parantu unakA bhAv apaneko bhAsit nahI.n hogA. tathA bhAv bhAsit hue
binA nirmal shraddhAn nahI.n hotA; kyo.nki jisakI kisIke vachanase hI pratItikI jAy, usakI
anyake vachanase anyathA bhI pratIti ho jAy; isaliye shaktiapekShA vachanase kI gaI pratIti
apratItivat hai. tathA jisakA bhAv bhAsit huA ho, use anek prakArase bhI anyathA nahI.n
mAnatA; isaliye bhAv bhAsit hone par jo pratIti hotI hai vahI sachchI pratIti hai.
yahA.N yadi kahoge ki puruShakI pramANatAse vachanakI pramANatA kI jAtI hai? to puruShakI
bhI pramANatA svayamev to nahI.n hotI; usake kuCh vachano.nkI parIkShA pahale kar lI jAye, tab
puruShakI pramANatA hotI hai.
prashnaH — upadesh to anek prakArake hai.n, kis-kisakI parIkShA kare.n?
samAdhAnaH — upadeshame.n koI upAdey, koI hey, tathA koI j~neyatattvo.nkA nirUpaN kiyA
jAtA hai. upAdey – hey tattvo.nkI to parIkShA kar lenA, kyo.nki iname.n anyathApanA honese apanA
burA hotA hai. upAdeyako hey mAn le.n to burA hogA, heyako upAdey mAn le.n to burA hogA.