-
AThavA.N adhikAr ][ 273
to vaisA phal nahI.n huA hai, parantu anya karmake udayase nIchagatiko prApta huA athavA kaShTAdik
hue; use usI pApakAryakA phal nirUpit karate hai.n. – ityAdi isI prakAr jAnanA.
yahA.N koI kahe – aisA jhUTh phal dikhalAnA to yogya nahI.n hai; aise kathanako pramAN
kaise kare.n?
samAdhAnaH – jo aj~nAnI jIv bahut phal dikhAye binA dharmame.n na lage.n va pAp se na
Dare.n, unakA bhalA karaneke artha aisA varNan karate hai.n. jhUTh to tab ho, jab dharmake phalako
pApakA phal batalAye.n, pApake phalako dharmakA phal batalAye.n, parantu aisA to hai nahI.n. jaise –
das puruSh milakar koI kArya kare.n, vahA.N upachArase ek puruShakA bhI kiyA kahA jAye to
doSh nahI.n hai. athavA jisake pitAdikane koI kArya kiye ho.n, use ek jAti-apekShA upachArase
putrAdikakA kiyA kahA jAye to doSh nahI.n hai. usI prakAr bahut shubh va ashubh kAryo.nkA
ek phal huA, use upachArase ek shubh va ashubhakAryakA phal kahA jAye to doSh nahI.n
hai. athavA anya shubh va ashubhakAryakA phal jo huA ho use ek jAti-apekShA upachArase
kisI anya hI shubhakAryakA phal kahe.n to doSh nahI.n hai.
upadeshame.n kahI.n vyavahAravarNan hai, kahI.n nishchayavarNan hai. yahA.N upachArarUp vyavahAravarNan
kiyA hai, isaprakAr ise pramAN karate hai.n. isako tAratamya nahI.n mAn lenA; tAratamyakA to
karaNAnuyogame.n nirUpaN kiyA hai, so jAnanA.
tathA prathamAnuyogame.n upachArarUp kisI dharmakA a.ng hone par sampUrNa dharma huA kahate
hai.n. jaise – jin jIvo.nke sha.nkA-kA.nkShAdik nahI.n hue, unako samyaktva huA kahate hai.n; parantu kisI
ek kAryame.n sha.nkA-kA.nkShA na karanese hI to samyaktva nahI.n hotA, samyaktva to tattvashraddhAn hone
par hotA hai; parantu nishchayasamyaktvakA to vyavahArasamyaktvame.n upachAr kiyA aur
vyavahArasamyaktvake kisI ek a.ngame.n sampUrNa vyavahArasamyaktvakA upachAr kiyA – isaprakAr upachAr
dvArA samyaktva huA kahate hai.n.
tathA kisI jainashAstrakA ek a.ng jAnane par samyagj~nAn huA kahate hai.n. so sa.nshayAdi
rahit tattvaj~nAn hone par samyagj~nAn hotA hai; parantu yahA.N pUrvavat upachArase samyagj~nAn kahate hai.n.
tathA koI bhalA AcharaN hone par samyakchAritra huA kahate hai.n. vahA.N jisane jainadharma
a.ngIkAr kiyA ho va koI ChoTI-moTI pratij~nA grahaN kI ho; use shrAvak kahate hai.n. so
shrAvak to pa.nchamaguNasthAnavartI hone par hotA hai; parantu pUrvavat upachArase ise shrAvak kahA
hai. uttarapurAName.n shreNikako shrAvakottam kahA hai so vah to asa.nyat thA; parantu jain thA
isaliye kahA hai. isIprakAr anyatra jAnanA.