-
292 ] [ mokShamArgaprakAshak
tathA yadi bAhyasa.nyamase kuCh siddhi na ho to sarvArthasiddhivAsI dev samyagdR^iShTi bahut
j~nAnI hai.n unake to chauthA guNasthAn hotA hai aur gR^ihastha shrAvak manuShyo.nke pa.ncham guNasthAn
hotA hai, so kyA kAraN hai? tathA tIrtha.nkarAdik gR^ihasthapad Cho.Dkar kisaliye sa.nyam grahaN
kare.n? isaliye yah niyam hai ki bAhya sa.nyam sAdhan binA pariNAm nirmal nahI.n ho sakate.
isaliye bAhya sAdhanakA vidhAn jAnaneke liye charaNAnuyogakA abhyAs avashya karanA chAhiye.
dravyAnuyogame.n doSh-kalpanAkA nirAkaraN
tathA kitane hI jIv kahate hai.n ki dravyAnuyogame.n vrat-sa.nyamAdi vyavahAradharmakA hInapanA pragaT
kiyA hai. samyagdR^iShTike viShay-bhogAdikako nirjarAkA kAraN kahA hai — ityAdi kathan sunakar jIv
svachChanda hokar puNya Cho.Dkar pApame.n pravarte.nge, isaliye inakA pa.DhnA – sunanA yogya nahI.n hai.
usase kahate hai.n — jaise gadhA mishrI khAkar mar jAye to manuShya to mishrI khAnA nahI.n
Cho.De.nge; usI prakAr viparItabuddhi adhyAtmagrantha sunakar svachChanda ho jAye to vivekI to
adhyAtmagrantho.nkA abhyAs nahI.n Cho.De.nge. itanA kare ki jise svachChanda hotA jAne, use jisaprakAr
vah svachChanda na ho usaprakAr upadesh de. tathA adhyAtmagrantho.nme.n bhI svachChanda honekA jahA.N-
tahA.N niShedh karate hai.n, isaliye jo bhalI-bhA.Nti unako sune vah to svachChanda hotA nahI.n; parantu
ek bAt sunakar apane abhiprAyase koI svachChanda ho to granthakA to doSh hai nahI.n, us
jIvakA hI doSh hai.
tathA yadi jhUThe doShakI kalpanA karake adhyAtmashAstro.nko pa.Dhne-sunanekA niShedh kare.n to
mokShamArgakA mUl upadesh to vahA.N hai; usakA niShedh karane se to mokShamArgakA niShedh hotA hai.
jaise — meghavarShA hone par bahutase jIvo.nkA kalyAN hotA hai aur kisIko ulTA nukasAn ho,
to usakI mukhyatA karake meghakA to niShedh nahI.n karanA; usI prakAr sabhAme.n adhyAtma-upadesh
hone par bahutase jIvo.nko mokShamArgakI prApti hotI hai, parantu koI ulTA pApame.n pravarte, to usakI
mukhyatA karake adhyAtmashAstro.nkA to niShedh nahI.n karanA.
tathA adhyAtmagra.ntho.nse koI svachChanda ho; so vah to pahale bhI mithyAdR^iShTi thA, ab
bhI mithyAdR^iShTi hI rahA. itanA hI nukasAn hogA ki sugati na hokar kugati hogI. parantu
adhyAtma-upadesh na hone par bahut jIvo.nke mokShamArgakI prAptikA abhAv hotA hai aur isame.n
bahut jIvo.nkA bahut burA hotA hai; isaliye adhyAtma-upadeshakA niShedh nahI.n karanA.
tathA kitane hI jIv kahate hai.n ki dravyAnuyogarUp adhyAtma-upadesh hai vah utkR^iShTa hai;
so uchchadashAko prApta ho.n unako kAryakArI hai; nichalI dashAvAlo.nko vrat – sa.nyamAdikakA hI upadesh
denA yogya hai.