-
336 ] [ mokShamArgaprakAshak
so anantAnubandhIkA prashasta upasham to hotA hI nahI.n, anya mohakI prakR^itiyo.nkA hotA
hai. tathA isakA aprashasta upasham hotA hai.
tathA jo tIn karaN dvArA anantAnubandhIke paramANuo.nko anya chAritramohakI prakR^itirUp
pariNamit karake unakI sattA nAsh kare, usakA nAm visa.nyojan hai.
so iname.n prathamopashamasamyaktvame.n to anantAnubandhIkA aprashasta upasham hI hai. tathA
dvitIyopashamasamyaktvakI prApti pahale anantAnubandhIkA visa.nyojan hone par hI hotI hai – aisA
niyam koI AchArya likhate hai.n, koI niyam nahI.n likhate. tathA kShayopashamasamyaktvame.n kisI
jIvake aprashasta upasham hotA hai va kisIke visa.nyojan hotA hai. tathA kShAyikasamyaktva hai
so pahale anantAnubandhIkA visa.nyojan hone par hI hotA hai. – aisA jAnanA.
yahA.N yah visheSh hai ki upasham tathA kShayopashamasamyaktvIke anantAnubandhIke visa.nyojanase
sattAkA nAsh huA thA, vah phi ra mithyAtvame.n Aye to anantAnubandhIkA bandha kare, vahA.N phi ra
usakI sattAkA sadbhAv hotA hai aur kShAyikasamyagdR^iShTi mithyAtvame.n AtA nahI.n hai, isaliye usake
anantAnubandhIkI sattA kadAchit nahI.n hotI.
yahA.N prashna hai ki anantAnubandhI to chAritramohakI prakR^iti hai, so chAritrakA ghAt kare,
isase samyaktvakA ghAt kis prakAr sambhav hai?
samAdhAnaH – anantAnubandhIke udayase krodhAdirUp pariNAm hote hai.n, kuCh atattvashraddhAn
nahI.n hotA; isaliye anantAnubandhI chAritrakA hI ghAt karatI hai, samyaktvakA ghAt nahI.n karatI.
so paramArthase hai to aisA hI, parantu anantAnubandhIke udayase jaise krodhAdik hote hai.n vaise
krodhAdik samyaktva hone par nahI.n hote – aisA nimitta-naimittikapanA pAyA jAtA hai. jaise –
trasapanekI ghAtak to sthAvaraprakR^iti hI hai, parantu trasapanA hone par ekendriyajAtiprakR^itikA bhI
uday nahI.n hotA, isaliye upachArase ekendriyaprakR^itiko bhI trasapanekA ghAtakapanA kahA jAye
to doSh nahI.n hai. usI prakAr samyaktvakA ghAtak to darshanamoh hai, parantu samyaktva hone par
anantAnubandhI kaShAyo.nkA bhI uday nahI.n hotA, isaliye upachArase anantAnuba.ndhIke bhI samyaktvakA
ghAtakapanA kahA jAye to doSh nahI.n hai.
yahA.N phi ra prashna hai ki anantAnuba.ndhI bhI chAritrakA hI ghAt karatI hai, to isake jAnepar
kuCh chAritra huA kaho. asa.nyat guNasthAname.n asa.nyam kisaliye kahate ho?
samAdhAnaH – anantAnubandhI Adi bhed hai.n ve tIvra – manda kaShAyakI apekShA nahI.n hai.n; kyo.nki