viShApahAr – stotrano
padyAnuvAd
apane men hI sthir rahatA hai, aur sarvagat kahalAtA,
sarva - sang - tyAgI hokar bhI, sab vyApAronkA gnAtA;
kAl – mAnase vRuddha bahut hai, phir bhI ajar amar svayamev,
vipadAonse sadA bachAve, vah purAN puruShottam dev. 1.
jisane par - kalpanAtIt, yug - bhAr akele hI jhelA,
jisake sugun – gAn munijan bhI, kar nahin sake ek velA;
usI vRuShabhakI vishad virad yah, alpabuddhi jan rachatA hai,
jAhAn na jAtA bhAnu, vahAn bhI dIp ujelA karatA hai. 2.
shakra sarIkhe shaktivAn ne, tajA garva guN gAne kA,
kintu main na sAhas chhoDUngA, viradAvalI banAnekA;
apane alpagnAn se hI main, bahut viShay prakaTAUngA,
is chhoTe vAtAyanase hI, sArA nagar dikhAUngA. 3.
tum sab - darshI dev, kintu, tumako na dekh sakatA koI,
tum sabake hI gnAtA, par tumako na jAn pAtA koI;
‘kitane ho’ ‘kaise ho, yon kuchh kahA na jAtA he bhagavAn,
isase nij ashakti batalAnA, yahI tumhArA stavan mahAn. 4.
bAlak sam apane doShonse, jo jan pIDit rahate hain,
un sabako he nAth, Ap, bhavatAp rahit nit karate hain;
yon apane hit aur ahitakA, jo na dhyAn dharanevAle,
un sabako tum bAl – vaidya ho, svAsthya – dAn karanevAle. 5.