90 ][ panchastotra
tIn lokamen Dhol bajAkar, kiyA moh ne yah Adesh,
sabhI surAsur hue parAjit, milA vijay use visheSh;
kintu nAth; vah nibal Apase, kar sakatA thA kahAn virodh,
vair ThAnanA balavAnose, kho detA hai khudako khod. 24.
tumane keval ek muktikA, dekhA mArga saukhyakArI,
par aurone chAro gati ke, gahan panth dekhe bhArI;
isase sab kuchh dekhA hamane, yah abhimAn ThAn karake,
he jinavar, nahin kabhI dekhanA, apanI bhujA tAn karake. 25.
raviko rAhu rokatA hai, pAvakako vAri bujhAtA hai,
pralayakAlakA prabal pavan, jalanidhiko nAch nachAtA hai;
ese hI bhav - bhogonko, unakA viyog haratA svayamev,
tum sivAy sabakI baDhatI par, ghAtak lage hue hain dev. 26.
bin jAne bhI tumhen naman karanese jo phal phalatA hai,
vah auronko dev mAn, namanese bhI nahin milatA hai;
jyon *maraktako kAch mAnakar, karagat karanevAlA nar,
samajh sumaNi jo kAch gahe, usake sam rahe na khAlI kar. 27.
vishad manogna bolanevAle, panDit jo kahalAte hain,
krodhAdikase jale hueko, ve yon ‘dev’ batAte hain;
jaise ‘bujhe hue’ dIpakako, ‘baDhA huA’ sab kahate hain,
aur kapAl bighaT jAneko, ‘mangal huA’ samajhate hain. 28.
nayapramANayut atihitakArI, vachan Apake kahe hue,
sunakar shrotAjan tattvonke, parishIlan men lage hue;
vaktAkA nirdoShapanA jAnenge, kyon nahin he guNamAl,
jvaravimukta jAnA jAtA hai, svar parase sahajahi tatkAl. 29.
* marakta – nIlamaNi.