adhyAtmamen sadA nishchayanay hI pradhAn hai, usIke Ashrayase dharma hotA hai . shAstrommen jahAn vikArI paryAyonkA vyavahAranayase kathan kiyA jAve vahAn bhI nishchayanay ko hI mukhya aur vyavahAranayako gauN karanekA Ashay hai aisA samajhanA chAhiye . kyonki puruShArthake dvArA apanemen shuddha paryAyako pragaT karane arthAt vikArI paryAyako TAlaneke liye sadA nishchayanay hI AdaraNIy hai . us samay donon nayonkA gnAn hotA hai, kintu dharmako pragaT karaneke liye dRuShTimen donon nay kadApi AdaraNIy nahIn hain . vyavahAranayake Ashrayase ka bhI Anshik dharma bhI nahIn hotA, pratyut usake Ashrayase rAgadveShake vikalpa hI uThA karate hain .

chhahon dravya, unake guN aur unakI paryAyonke svarUpakA gnAn karAneke liye kabhI nishchayanayakI mukhyatA aur vyavahAranayakI gauNatA rakhakar kathan kiyA jAtA hai, aur kabhI vyavahAranayako mukhya karake aur nishchayanayako gauN rakhakar kathan kiyA jAtA hai . svayam vichAr kare usamen bhI kabhI nishchayanayakI aur kabhI vyavahAranayakI mukhyatA kI jAtI hai . adhyAtmashAstramen bhI jIvakI vikArI paryAy jIv svayam karatA hai to hotI hai, aur vah jIvakA ananya pariNAm hai — isaprakAr vyavahAranayase kahA yA samajhAyA jAy, kintu us pratyek samayamen dRuShTimen to nishchayanay ek hI mukhya aur AdaraNIy hai — aisA gnAniyonkA kathan hai . shuddhatA prakaT karaneke liye kabhI nishchayanay AdaraNIy hotA hai aur kabhI vyavahAranay – aisA mAnanA bhUl hai . tInon kAlamen ekamAtra nishchayanayake Ashrayase hI dharma pragaT hotA hai – aisA samajhanA chAhiye .

sAdhak jIv prArambhase ant tak nishchayakI hI mukhyatA rakhakar vyavahArako gauN hI karatA jAtA hai, jisase sAdhak dashAmen nishchayakI mukhyatAke balase sAdhakake shuddhatAkI vRuddhi hI hotI jAtI hai aur ashuddhatA TalatI hI jAtI hai . isaprakAr nishchayakI mukhyatAke balase pUrNa kevalagnAn hone par vahAn mukhyatva gauNatva nahIn hotA aur nay bhI nahIn hote .