adhyātmamen sadā nishchayanay hī pradhān hai, usīke āshrayase dharma hotā hai . shāstrommen jahān̐ vikārī paryāyoṅkā vyavahāranayase kathan kiyā jāve vahān̐ bhī nishchayanay ko hī mukhya aur vyavahāranayako gauṇ karanekā āshay hai aisā samajhanā chāhiye . kyoṅki puruṣhārthake dvārā apanemen shuddha paryāyako pragaṭ karane arthāt vikārī paryāyako ṭālaneke liye sadā nishchayanay hī ādaraṇīy hai . us samay donon nayoṅkā gnān hotā hai, kintu dharmako pragaṭ karaneke liye dr̥uṣhṭimen donon nay kadāpi ādaraṇīy nahīn hain . vyavahāranayake āshrayase ka bhī ānshik dharma bhī nahīn hotā, pratyut usake āshrayase rāgadveṣhake vikalpa hī uṭhā karate hain .
chhahon dravya, unake guṇ aur unakī paryāyoṅke svarūpakā gnān karāneke liye kabhī nishchayanayakī mukhyatā aur vyavahāranayakī gauṇatā rakhakar kathan kiyā jātā hai, aur kabhī vyavahāranayako mukhya karake aur nishchayanayako gauṇ rakhakar kathan kiyā jātā hai . svayam vichār kare usamen bhī kabhī nishchayanayakī aur kabhī vyavahāranayakī mukhyatā kī jātī hai . adhyātmashāstramen bhī jīvakī vikārī paryāy jīv svayam karatā hai to hotī hai, aur vah jīvakā ananya pariṇām hai — isaprakār vyavahāranayase kahā yā samajhāyā jāy, kintu us pratyek samayamen dr̥uṣhṭimen to nishchayanay ek hī mukhya aur ādaraṇīy hai — aisā gnāniyoṅkā kathan hai . shuddhatā prakaṭ karaneke liye kabhī nishchayanay ādaraṇīy hotā hai aur kabhī vyavahāranay – aisā mānanā bhūl hai . tīnon kālamen ekamātra nishchayanayake āshrayase hī dharma pragaṭ hotā hai – aisā samajhanā chāhiye .
sādhak jīv prārambhase ant tak nishchayakī hī mukhyatā rakhakar vyavahārako gauṇ hī karatā jātā hai, jisase sādhak dashāmen nishchayakī mukhyatāke balase sādhakake shuddhatākī vr̥uddhi hī hotī jātī hai aur ashuddhatā ṭalatī hī jātī hai . isaprakār nishchayakī mukhyatāke balase pūrṇa kevalagnān hone par vahān̐ mukhyatva gauṇatva nahīn hotā aur nay bhī nahīn hote .