maiṁ is śāstrameṁ samasta nij vaibhavase (āgam, yukti, paramparā aur anubhavase) kahūn̐gā.’ is pratijñāke anusār ācāryadev is śāstrameṁ ātmākā ekatva — par-dravyase aur parabhāvoṁse bhinnatā — samajhāte haiṁ. ve kahate haiṁ ki ‘jo ātmāko abaddhaspr̥ṣṭa, ananya, niyat, aviśeṣ aur asaṁyukta dekhate haiṁ ve samagra jinaśāsanako dekhate haiṁ’. aur bhī ve kahate haiṁ ki ‘aisā nahīṁ dekhanevāle ajñānīke sarva bhāv ajñānamay haiṁ’. is prakār, jahān̐ tak jīvako svayaṁkī śuddhatākā anubhav nahīṁ hotā vahān̐ tak vah mokṣamārgī nahīṁ hai; bhale hī vah vrat, samiti, gupti ādi vyavahāracāritra pālatā ho aur sarva āgam bhī parḥ cukā ho. jisako śuddha ātmākā anubhav vartatā hai vah hī samyagdr̥ṣṭi hai. rāgādike udayameṁ samyaktvī jīv kabhī ekākārarūp pariṇamatā nahīṁ haiṁ, parantu aisā anubhavatā hai ki ‘yah, pudgalakarmarūp rāgake vipākarūp uday hai; vah merā bhāv nahīṁ haiṁ, maiṁ to ek jñāyakabhāv hūn̐.’ yahān̐ praśna hogā ki rāgādibhāv hone par bhī ātmā śuddha kaise ho sakatā hai ? uttarameṁ spha ṭikamaṇikā dr̥ṣṭānta diyā gayā hai. jaise spha ṭikamaṇi lāl kapaṛeke saṁyogase lāl dikhāī detā hai — hotā hai to bhī spha ṭikamaṇike svabhāvakī dr̥ṣṭise dekhane par spha ṭikamaṇine nirmalapanā choṛā nahīṁ hai, usī prakār ātmā rāgādi karmodayake saṁyogase rāgī dikhāī detā hai — hotā hai to bhī śuddhanayakī dr̥ṣṭise usane śuddhatā choṛī nahīṁ hai. paryāyadr̥ṣṭise aśuddhatā vartatī hone par bhī dravyadr̥ṣṭise śuddhatākā anubhav ho sakatā hai. vah anubhav caturtha guṇasthān meṁ hotā hai. isase vācakako samajhameṁ āyegā ki samyagdarśan kitanā duṣkar hai. samyagdr̥ṣṭikā pariṇaman hī palaṭ gayā hotā hai. vah cāhe jo kārya karate hue bhī śuddha ātmāko hī anubhavatā hai. jaise lolupī manuṣya namak aur śākake svādakā bhed nahīṁ kar sakatā, usī prakār ajñānī jñānakā aur rāgakā bhed nahīṁ kar sakatā, jaise alubdha manuṣya śākase namakakā bhinna svād le sakatā hai usī prakār samyagdr̥ṣṭi rāgase jñānako bhinna hī anubhavatā hai. ab yah praśna hotā hai ki aisā samyagdarśan kis prakār prāpta kiyā jā sakatā hai arthāt rāg aur ātmākī bhinnatā kis prakār anubhavāṁśapūrvak samajhameṁ āye ? ācārya bhagavān uttar dete haiṁ ki — prajñārūpī chainīse chedane par ve doṁno bhinna ho jāte haiṁ, arthāt jñānase hī — vastuke yathārtha svarūp kī pahacānase hī — , anādikālase rāgadveṣake sāth ekākārarūp pariṇamatā ātmā bhinnapane pariṇamane lagatā hai; isase anya dūsarā koī upāy nahīṁ hai. isaliye pratyek jīvako vastuke yathārtha svarūpakī pahicān karanekā prayatna sadā kartavya hai.
is śāstrakā mukhya uddeś yathārtha ātmasvarūpakī pahicān karānā hai. is uddeśakī pūrtike liye is śāstrameṁ ācāryabhagavānane anek viṣayoṁkā nirūpaṇ kiyā hai. jīv aur pudgalake nimitta-naimittikapanā hone par bhī donoṁkā atyanta svatantra pariṇaman, jñānīko rāg-dveṣakā akartā- abhoktāpanā, ajñānīko rāgadveṣakā kartābhoktāpanā, sāṁkhyadarśanakī ekāntikatā, guṇasthān- ārohaṇameṁ bhāvakā aur dravyakā nimitta-naimittikapanā, vikārarūp pariṇaman karanemeṁ ajñānīkā