main ise apanā param saubhāgya mānatā hūn̐ ki mujhe is yugake mahān ādhyātmik sant shrī kānajīsvāmīke sānnidhyakā suyog prāpta huā, aur unake pravachanoṅko sunane evan unhen rāṣhṭrabhāṣhā-hindīmen anūdit karanekā saubhāgya prāpta huā hai. un anūdit granthommense ‘samayasār pravachanādi’ pahale prakāshit ho chuke hain. pūjya kānajīsvāmīke sānnidhyamen rahakar anek vidvānonne kaī ādhyātmik granthoṅkī rachanā kī hai, anuvād kiye hain aur sampādan kiyā hai. un vidvānommen shrī himmatalāl shāh tathā shrī rāmajībhāī doshī ādi pramukh hain.
uparokta vidvānoṅke dvārā gujarātī bhāṣhāmen anūdit, sampādit evan likhit anek granthoṅkā hindī bhāṣhāntar karanekā mujhe suyog milā hai, jinamen pravachanasār, mokṣhashāstra aur yah samayasār grantha bhī hain. adhyātmapremī bhāī shrī kun0 nemīchandajī pāṭanīkī preraṇā is sukāryamen visheṣh sādhak siddha huī hai. pratyek gāthākā gujarātīse hindī padyānuvād unhonne kiyā hai. mainne gujarātī anvayārtha, ṭīkā aur bhāvārthakā hindī rūpāntar kiyā hai. yadyapi is kāryamen sampūrṇa sāvadhānī rakhī gaī hai, tathāpi yadi koī doṣh rah gaye hon to visheṣhagna mujhe kṣhamā karen.
lalitapur — parameṣhṭhīdās jain