surakṣhit rahe — isaprakār unake bhāvoṅko sparshakar anuvād ho tabhī prakāshan samājako sampūrṇatayā lābhadāyī siddha ho. sadbhāgyase mumukṣhu bhāīshrī himmatalāl jeṭhālāl shāhane ( – pūjya bahinashrī champābenake bhāīne) apanī shrutabhaktise, usakā anuvād kar denekī svīkr̥uti dekar vah kām apane hāthamen liyā aur unhonne yah anuvād-kārya sān̐gopān̐g sampanna kiyā.
is pavitra paramāgamake gujarātī anuvādakā mahān kārya sampanna karanevāle bhāīshrī himmatalālabhāī adhyātmarasik vidvān honeke atirikta gambhīr, vairāgyashālī, shānta aur vivekī sajjan hain tathā kavi bhī hain. unhonne samayasār evan usakī ‘ātmakhyāti’ sanskr̥it ṭīkāke gujarātī gadyānuvādake atirikta usakī prākr̥itabhāṣhābaddha mūl gāthāoṅkā gujarātī padyānuvād bhī harigīt chhandamen kiyā hai; vah bahut hī madhur, spaṣhṭa evan saral hai aur pratyek gāthārthake pahale vah chhāpā gayā hai. isaprakār sārā hī anuvād evan harigīt kāvya jignāsu jīvoṅko bahut hī upayogī evan upakārī huye hain. isake liye bhāīshrī himmatalāl jeṭhālāl shāhake prati jitanī bhī kr̥utagnatā pragaṭ kī jāy utanī kam hī hai. is samayasār jaise uttam paramāgamakā anuvād karanekā param saubhāgya unako prāpta huā etadartha ve sachamuch abhinandanīy hain.
ājase lagabhag ḍhāīsau varṣha pahale pt.. jayachandrajīne is paramāgamakā hindī bhāṣhāntar karake jainasamāj par upakār kiyā hai. yah gujarātī anuvād shrī paramashrutaprabhāvak maṇḍalakī orase prakāshit hue hindī samayasārake ādhārase kiyā gayā hai, gujarātī anuvādakā hindī rūpāntar pt.. parameṣhṭhidāsajī jain, lalitapurane aur is prastut sanskaraṇakā mudraṇasanshodhan-kārya bra0 chandūbhāī jhobāliyāne tathā sundar mudraṇakārya ‘kahān mudraṇālay’, sonagarḥake mālik shrī gnānachandajī jainane kiyā hai. ataḥ yah sansthā un sabake prati kr̥utagnatā abhivyakta karatī hai.
yah paramāgam samayasār sachamuch ek uttamottam shāstra hai. sādhak jīvoṅke liye usamen ādhyātmik mantroṅkā bhaṇḍār bharā hai. bhagavatkundakundāchāryadevake pashchāt rach gaye prāyaḥ sab adhyātmashāstra par samayasārakā prabhāv paṛā hai. adhyātmake sarva bīj samayasāramen samāviṣhṭa hain. sabhī jignāsu jīvoṅko gurugamapūrvak is paramāgamakā abhyās avashya karane yogya hai. param mahimāvanta nij shuddhātmasvarūpako anubhavagamya karaneke liye is shāstramen advitīy upadesh hai; aur vah anubhav hī pratyek jignāsu jīvakā ekamātra param kartavya hai. shrī padmanandī munirāj kahate hain ki —