mai.n ise apanA param saubhAgya mAnatA hU.N ki mujhe is yugake mahAn AdhyAtmik sa.nt shrI kAnajIsvAmIke sAnnidhyakA suyog prApta huA, aur unake pravachano.nko sunane eva.n unhe.n rAShTrabhAShA-hindIme.n anUdit karanekA saubhAgya prApta huA hai. un anUdit grantho.nme.nse ‘samayasAr pravachanAdi’ pahale prakAshit ho chuke hai.n. pUjya kAnajIsvAmIke sAnnidhyame.n rahakar anek vidvAno.nne kaI AdhyAtmik grantho.nkI rachanA kI hai, anuvAd kiye hai.n aur sampAdan kiyA hai. un vidvAno.nme.n shrI himmatalAl shAh tathA shrI rAmajIbhAI doshI Adi pramukh hai.n.
uparokta vidvAno.nke dvArA gujarAtI bhAShAme.n anUdit, sampAdit eva.n likhit anek grantho.nkA hindI bhAShAntar karanekA mujhe suyog milA hai, jiname.n pravachanasAr, mokShashAstra aur yah samayasAr grantha bhI hai.n. adhyAtmapremI bhAI shrI ku.n0 nemIchandajI pATanIkI preraNA is sukAryame.n visheSh sAdhak siddha huI hai. pratyek gAthAkA gujarAtIse hindI padyAnuvAd unho.nne kiyA hai. mai.nne gujarAtI anvayArtha, TIkA aur bhAvArthakA hindI rUpAntar kiyA hai. yadyapi is kAryame.n sampUrNa sAvadhAnI rakhI gaI hai, tathApi yadi koI doSh rah gaye ho.n to visheShaj~na mujhe kShamA kare.n.
lalitapur — parameShThIdAs jain