adhyAtmame.n sadA nishchayanay hI mukhya hai; usIke Ashrayase dharma hotA hai. shAstro.nme.n jahA.N vikArI paryAyo.nkA vyavahAranayase kathan kiyA jAye vahA.N bhI nishchayanayako hI mukhya aur vyavahAranayako gauN karanekA Ashay hai — aisA samajhanA; kyo.nki puruShArtha dvArA apaneme.n shuddhaparyAy pragaT karane arthAt vikArI paryAy TAlaneke liye sadA nishchayanay hI AdaraNIy hai; us samay dono.n nayo.nkA j~nAn hotA hai para.ntu dharma pragaT karaneke liye dono.n nay kabhI AdaraNIy nahI.n hai.n. vyavahAranayake Ashrayase kabhI dharma a.nshataH bhI nahI.n hotA, para.ntu usake Ashrayase to rAg-dveShake vikalpa hI uThate hai.n.

Chaho.n dravya, unake guN aur unakI paryAyo.nke svarUpakA j~nAn karAneke lie kabhI nishchayanayakI mukhyatA aur vyavahAranayakI gauNatA rakhakar kathan kiyA jAtA hai, aur kabhI vyavahAranayako mukhya karake tathA nishchayanayako gauN rakhakar kathan kiyA jAtA hai; svaya.n vichAr kare usame.n bhI kabhI nishchayanayakI mukhyatA aur kabhI vyavahAranayakI mukhyatA kI jAtI hai; adhyAtmashAstrame.n bhI jIvakI vikArI paryAy jIv svaya.n karatA hai isaliye hotI hai aur vah jIvakA ananya pariNAm hai – aisA vyavahAranayase kahaneme.n – samajhAneme.n AtA hai; para.ntu vahA.N pratyek samay nishchayanay ek hI mukhya tathA AdaraNIy hai aisA j~nAniyo.nkA kathan hai. shuddhatA pragaT karaneke lie kabhI nishchayanay AdaraNIy hai aur kabhI vyavahAranay AdaraNIy hai – aisA mAnanA vah bhUl hai. tIno.n kAl akele nishchayanayake Ashrayase hI dharma pragaT hotA hai aisA samajhanA.

sAdhak jIv prArambhase anta tak nishchayakI hI mukhyatA rakhakar vyavahArako gauN hI karate jAte hai.n, isalie sAdhakadashAme.n nishchayakI mukhyatAke balase sAdhakako shuddhatAkI vR^iddhi hI hotI jAtI hai aur ashuddhatA TalatI hI jAtI hai. is prakAr nishchayakI mukhyatAke pUrNa balase kevalaj~nAn hone par vahA.N mukhya-gauNapanA nahI.n hotA aur nay bhI nahI.n hote.

630