Shastra Swadhyay-Gujarati (simplified iso15919 transliteration). UpAdAn nimitt sanvAd; UpAdAn nimitt dohA (banArasidas); ChhadhAlA; Paheli dhAl; Biji dhAl; Triji dhAl; Chothi dhAl; Panchami dhAl.

Page 189 of 214
PDF/HTML Page 201 of 226
single page version

bandh-mokṣhanā pakṣhathī nishchay tun bandhāy;

sahaj svarūpe jo rame, to shivasukharūp thāy. 87.

samyagdraṣhṭi jīvane durgati gaman na thāy;

kadī jāy to doṣh nahi, pūrva karma kṣhay thāy. 88.

ātma svarūpe je rame, tajī sakaḷ vyavahār;

samyagdraṣhṭi jīv te, shīghra kare bhavapār. 89.

je samyaktva pradhān budh, te ja trilok pradhān;

pāme kevaḷagnān jhaṭ, shāshvat saukhyanidhān. 90.

ajar amar bahu guṇanidhi, nijarūpe sthir thāy;

karmabandh te nav kare, pūrvabaddha kṣhay thāy. 91.

paṅkaj jyam pāṇī thakī, kadāpi nahi lepāy;

lipta na thāye karmathī, je līn ātmasvabhāv. 92.

sham sukhamān līn je kare pharī pharī nij abhyās;

karmakṣhay nishchay karī, shīghra lahe shivavās. 93.

puruṣhākār pavitra ati, dekho ātamarām;

nirmaḷ tejomay ane anant guṇagaṇadhām. 94.

je jāṇe shuddhātmane, ashuchi dehathī bhinna;

te gnātā sau shāstrano, shāshvat sukhamān līn. 95.

nij pararūpathī agna jan, je na taje parabhāv;

jāṇe kadī sau shāstra paṇ, thāy na shivapur rāv. 96.

tajī kalpanājāḷ sau, param samādhilīn;

vede je ānandane, shivasukh kahetā jin. 97.

Page 190 of 214
PDF/HTML Page 202 of 226
single page version

je piṇḍastha, padastha ne rūpastha, rūpātīt;

jāṇī dhyān jinokta e, shīghra bano supavitra. 98.

sarva jīv chhe gnānamay, evo je samabhāv;

te sāmāyik jāṇavun, bhākhe jinavararāv. 99.

rāg-dveṣh be tyāgīne, dhāre samatābhāv;

te sāmāyik jāṇavun, bhākhe jinavararāv. 100.

hinsādikanā tyāgathī, ātmasthitikar jeh;

te bījun chāritra chhe, pañcham gatikar teh. 101.

mithyātvādik pariharaṇ, samyagdarshan shuddhi;

te parihāravishuddhi chhe, shīghra laho shivasiddhi. 102.

sūkṣhma lobhanā nāshathī, je sūkṣhma pariṇām;

jāṇo sūkṣhma-charitra te, je shāshvat sukhadhām. 103.

ātmā te arhant chhe, siddha nishchaye e ja;

āchāraj, uvajhāy ne sādhu nishchay te ja. 104.

te shiv shaṅkar viṣhṇu ne, rudra buddha paṇ te ja;

brahmā ishvar jin te, siddha anant paṇ te ja. 105.

evā lakṣhaṇayukta je, param videhī dev;

dehavāsī ā jīvamān ne temān nathī pher. 106.

je siddhyā ne siddhashe, siddha thatā bhagavān;

te ātamadarshan thakī, em jāṇ nirbhrānta. 107.

sansāre bhayabhīt je, yogīndu munirāj;

ekachitta dohā rache, nijasambodhan kāj. 108.

✽

Page 191 of 214
PDF/HTML Page 203 of 226
single page version

bhaiyā bhagavatīdāsajī kr̥ut

upādān-nimitta samvād

(dohā)

pād praṇami jinadevake, ek ukti upajāy;

upādān aru nimittako, kahun samvād banāy. 1.

pūchhat hai koū tahān, upādān kih nām;

kaho nimitta kahiye kahā, kabake hain ih ṭhām. 2.

upādān nijashakti hai, jiyako mūl svabhāv;

hai nimitta parayogaten, banyo anādi banāv. 3.

nimitta kahai mokon sabai, jānat hain jagaloy;

tero nām̐v na jānahīn, upādān ko hoy. 4.

upādān kahai re nimitta, tū kahā kare gumān;

mokon jānen jīv ve, jo hain samyakvān. 5.

kahain jīv sab jagatake, jo nimitta soī hoy;

upādānakī bātako, pūchhe nānhi koy. 6.

upādān bin nimitta tū, kar na sakai ik kāj;

kahā bhayau jag nā lakhai, jānat hain jinarāj. 7.

dev jineshvar, guru yatī, aru jin-āgam sār;

ihi nimittaten jīv sab, pāvat hain bhavapār. 8.

Page 192 of 214
PDF/HTML Page 204 of 226
single page version

yah nimitta ih jīvako, milyo anantī bār;

upādān palaṭyo nahīn, tau bhaṭakyo sansār. 9.

kai kevali kai sādhuke, nikaṭ bhavya jo hoy;

so kṣhāyak samyak lahai, yah nimittabal joy. 10.

kevali aru munirājake, pās rahain bahu loy;

pai jāko sulaṭyo dhanī, kṣhāyak tāko hoy. 11.

hinsādik pāpan kiye, jīv narkamen jāhin;

jo nimitta nahin kāmako, to im kāhe kahāhin. 12.

hinsāmen upayog jihan, rahai brahmake rāch;

teī narkamen jāt hain, muni nahin jāhin kadāch. 13.

dayā dān pūjā kiye, jīv sukhī jag hoy;

jo nimitta jhūṭho kaho, yah kyon mānai loy. 14.

dayā dān pūjā bhalī, jagat mānhin sukhakār;

jahan̐ anubhavako ācharan, tahan̐ yah bandh vichār. 15.

yah to bāt prasiddha hai, soch dekh uramāhin;

naradehīke nimitta bin, jiy kyon mukti na jāhin. 16.

deh pīñjarā jīvako, rokai shivapur jāt;

upādānakī shaktison, mukti hot re bhrāt! 17.

upādān sab jīvapai, rokanahāro kaun;

jāte kyon nahin muktimen, bin nimittake haun. 18.

upādān su anādiko, ulaṭ rahyo jagamāhin;

sulaṭat hī sūdhe chale, siddhalokako jāhin. 19.

Page 193 of 214
PDF/HTML Page 205 of 226
single page version

kahun anādi bin nimitta hī, ulaṭ rahyo upayog;

aisī bāt na sambhavai, upādān tum jog. 20.

upādān kahe re nimitta, hamapai kahī na jāy;

aise hī jin kevalī, dekhai tribhuvanarāy. 21.

jo dekhyo bhagavānane, so hī sāñcho āhi;

ham tum saṅg anādike, balī kahoge kāhi. 22.

upādān kahe vah balī, jāko nāsh na hoy;

jo upajat vinashat rahai, balī kahānten soy. 23.

upādān tum jor ho, to kyon let ahār?

paranimittake yogason, jīvat sab sansār. 24.

jo ahārake jogason, jīvat hain jagamāhin;

to vāsī sansārake, marate koū nāhin. 25.

sūr som maṇi agnike, nimit lakhain ye nain;

andhakāramen kit gayo, upādān drag dain. 26.

sūr som maṇi agni jo, karain anek prakāsh;

nainashakti bin nā lakhai, andhakār sam bhās. 27.

kahai nimitta ve jīv ko mo bin jagake māhin?

sabai hamāre vash pare, ham bin mukti na jāhin. 28.

upādān kahai re nimitta! aise bol na bol;

toko taj nij bhajat hain, tehī karain kilol. 29.

kahai nimitta hamako taje, te kaisen shiv jāt?

pañchamahāvrat pragaṭ hain, aur hu kriyā vikhyāt. 30.

Page 194 of 214
PDF/HTML Page 206 of 226
single page version

pañchamahāvrat jogatray, aur sakal vyavahār;

parako nimitta khapāyake, tab pahuñchen bhavapār. 31.

kahai nimitta jag main baḍo, motain baḍo na koy;

tīn lokake nāth sab, mo prasādatain hoy. 32.

upādān kahai tū kahā, chahuṅgatimen le jāy;

to prasādatain jīv sab, duḥkhī hohin re bhāy. 33.

kahai nimitta jo duḥkh sahai, so tum hamahi lagāy;

sukhī kaunatain hot hai, tāko dehu batāy. 34.

jā sukhako tū sukh kahai, so sukh to sukh nāhin;

ye sukh, dukhake mūl hain, sukh avināshī māhin. 35.

avināshī ghaṭ ghaṭ basai, sukh kyon vilasat nāhin?

shubhanimittake yog bin, pare pare vilalāhin. 36.

shubhanimitta ih jīvako, milyo kaī bhavasār;

pai ik samyak darsha bin, bhaṭakat phiryo gamvār. 37.

samyak darsha bhaye kahā tvarit muktimen jāhin;

āge dhyān nimitta hai, te shivako pahuñchāhin. 38.

chhor dhyānakī dhāranā, mor yogakī rīti;

tor karmake jālako, jor laī shivaprīti. 39.

tab nimitta hāryo tahān, ab nahin jor basāy;

upādān shivalokamen, pahuñchyo karma khapāy. 40.

upādān jītyo tahān, nij bal kar parakās;

sukh anant dhruv bhogavai, ant na baranyo tās. 41.

Page 195 of 214
PDF/HTML Page 207 of 226
single page version

upādān aru nimitta ye, sab jīvanapai vīr;

jo nijashakti sambhārahīn, so pahuñchen bhavatīr. 42.

bhaiyā mahimā brahmakī, kaise baranī jāy;

vachan-agochar vastu hai, kahivo vachan banāy. 43.

upādān aru nimittako, saras banyo samvād;

samadraṣhṭiko sugam hai, mūrakhako bakavād. 44.

jo jānai guṇ brahmake, so jānai yah bhed;

sākh jināgamason mile, to mat kījyo khed. 45.

nagar āgaro agra hai, jainī janako vās;

tihan thānak rachanā karī, ‘bhaiyā’ svamatiprakās. 46.

samvat vikram bhūpako, satrahasai pañchās;

phālgun pahile pakṣhamen, dashon dishā parakāsh. 47.

❁

Page 196 of 214
PDF/HTML Page 208 of 226
single page version

vidvadvarya paṇḍit banārasīdāsajī kr̥ut

upādān-nimittanā dohā

guru-upadesh nimitta bin, upādān balahīn;

jyon nar dūje pāmv bin, chalaveko ādhīn. 1.

haun jānai thā ek hī, upādānason kāj;

thakai sahāī paun bin, pānī mānhi jahāj. 2.

gnān nain kiriyā charaṇ, doū shivamag dhār;

upādān nihachai jahān̐, tahān̐ nimitta vyavahār. 3.

upādān nij guṇ jahān, tahan nimitta par hoy;

bhedagnān paramāṇ vidhi, viralā būjhai koy. 4.

upādān bal jahan̐ tahān̐, nahin nimittako dāv;

ek chakrason rath chale, raviko yahai svabhāv. 5.

sadhai vastu asahāy jahan̐, tahān̐ nimitta hai kaun;

jyon jahāj paravāhamen, tirai sahaj bin paun. 6.

upādānavidhi niravachan, hai nimitta-upadesh;

basai ju jaise deshamen, dharai su taise bheṣh. 7.

❁

Page 197 of 214
PDF/HTML Page 209 of 226
single page version

shrī

chhahaḍhāḷā

maṅgalācharaṇ

(soraṭhā chhand)

tīn bhuvanamen sār, vītarāg-vignānatā;
shivasvarūp shivakār, namahun triyog samhārikain.

✽

pahelī ḍhāḷ

sansārake duḥkhoṅkā varṇan

(chaupāi chhanda)

je tribhuvanamen jīv ananta,

sukh chāhain dukhatain bhayavanta;

tātain dukhahārī sukhakār,

kahain sīkh guru karuṇā dhār. 1.

tāhi suno bhavi man thir ān,

jo chāho apano kalyān;

moh-mahāmad piyo anādi,

bhūl āpako bharamat vādi. 2.

Page 198 of 214
PDF/HTML Page 210 of 226
single page version

tās bhramanakī hai bahu kathā,

pai kachhu kahūn kahī muni yathā;

kāl ananta nigod mañjhār,

bītyo ekendrī tan dhār. 3.

ek shvāsamen aṭhadas bār,

janmyo maryo, bharyo dukhabhār;

nikasi bhūmi jal pāvak bhayo,

pavan pratyek vanaspati thayo. 4.

durlabh lahi jyon chintāmaṇī,

tyon paryāy lahī trasataṇī;

laṭ pipīl ali ādi sharīr,

dhar dhar maryo sahī bahu pīr. 5.

kabahūn pañchendriy pashu bhayo,

man bin nipaṭ agnānī thayo;

sinhādik sainī hvai krūr,

nibal pashu hati khāye bhūr. 6.

kabahūn āp bhayo balahīn,

sabalani kari khāyo atidīn;

chhedan bhedan bhūkh piyās,

bhār-vahan him ātap trās. 7.

vadh bandhan ādik dukh ghane,

koṭi jībhatain jāt na bhane;

ati saṅklesh bhāvatain maryo,

ghor shvabhrasāgaramen paryo. 8.

Page 199 of 214
PDF/HTML Page 211 of 226
single page version

tahān bhūmi parasat dukh iso,

bīchchhū sahas ḍase nahin tiso;

tahān rādh-shroṇitavāhinī,

kr̥umikulakalit dehadāhinī. 9.

semar taru dalajut asipatra,

asi jyon deh vidārain tatra;

meru samān loh gali jāy,

aisī shīt uṣhṇatā thāy. 10.

til til karain dehake khaṇḍ,

asur bhiḍāvain duṣhṭa prachaṇḍa;

sindhunīratain pyās na jāy,

topaṇ ek na būnd lahāy. 11.

tīn lok ko nāj ju khāy,

miṭai na bhūkh kaṇā na lahāy,

ye dukh bahu sāgar laun sahai,

karam jogatain naragati lahai. 12.

jananī-udar vasyo nav mās,

aṅg sakuchatain pāyo trās;

nikasat je dukh pāye ghor,

tinako kahat na āve or. 13.

bālapanemen gnān na lahyo,

taruṇ samay taruṇī-rat rahyo;

arddhamr̥utakasam būḍhāpano,

kaise rūp lakhai āpano. 14.

Page 200 of 214
PDF/HTML Page 212 of 226
single page version

kabhī akāmanirjarā karai,

bhavanatrikamen sur tan dharai;

viṣhay-chāh-dāvānal dahyo,

marat vilāp karat dukh sahyo. 15.

jo vimānavāsī hū thāy,

samyagdarshan bin dukh pāy;

tan̐haten chay thāvar tan dharain,

yon parivartan pūre karain. 16.

✽

bījī ḍhāḷ

sansār(chartugati)men bhramaṇake kāraṇ

(paddharī chhand)

aise mithyā drag-gnān-charṇa,

-vash bhramat bharat dukh janma-marṇa;

tātain inako tajiye sujān

sun tin saṅkṣhep kahūn bakhān. 1.

jīvādi prayojanabhūt tattva,

saradhain tinamānhi viparyayatva;

chetanako hai upayog rūp,

binamūrat chinmūrat anūp. 2.

pudgal nabh dharma adharma kāl,

inatain nyārī hai jīv chāl;

tākon na jān viparīt mān,

kari karai dehamen nij pichhān. 3.

Page 201 of 214
PDF/HTML Page 213 of 226
single page version

main sukhī dukhī, main raṅk rāv,

mere dhan gr̥uh godhan prabhāv;

mere sut tiy, main sabal dīn,

berūp subhag mūrakh pravīn. 4.

tan upajat apanī upaj jān,

tan nashat āpako nāsh mān;

rāgādi pragaṭ ye duḥkh dain,

tinahīko sevat ginat chain. 5.

shubh-ashubh bandhake phal mañjhār,

rati-arati karai nijapad visār;

ātamahitahetu virāg-gnān,

te lakhain āpakūn kaṣhṭadān. 6.

roke na chāh nijashakti khoy,

shivarūp nirākulatā na joy;

yāhī pratītijut kachhuk gnān,

so duḥkhadāyak agnān jān. 7.

in jut viṣhayanimen jo pravr̥utta,

tāko jāno mithyācharitta;

yon mithyātvādi nisarga jeh,

ab je gr̥uhīt suniye su teh. 8.

jo kuguru kudev kudharma sev,

poṣhai chir darshanamoh ev;

antar rāgādik dharain jeh,

bāhar dhan-ambaratain saneh. 9.

Page 202 of 214
PDF/HTML Page 214 of 226
single page version

dhārain kuliṅg lahi mahatabhāv,

te kuguru janmajal upalanāv;

jo rāgadveṣh malakari malīn,

vanitā gadādijut chihna chīn. 10.

te hain kudev tinakī ju sev,

shaṭh karat na tin bhavabhramaṇ chhe va;

rāgādi bhāvahinsā samet,

darvit tras thāvar maraṇ khet. 11.

je kriyā tinhain jānahu kudharma,

tin saradhai jīv lahai asharma;

yākūn gr̥uhīt mithyātva jān,

ab sun gr̥uhīt jo hai agnān. 12.

ekāntavād-dūṣhit samasta,

viṣhayādikapoṣhak aprashasta;

kapilādi-rachit shrutako abhyās,

so hai kubodh bahu den trās. 13.

jo khyāti lābh pūjādi chāh,

dhari karan vividh vidh dehadāh;

ātam-anātmake gnānahīn,

je je karanī tan karan chhīn. 14.

te sab mithyāchāritra tyāg,

ab ātam ke hitapanth lāg;

jagajāl-bhramaṇako dehu tyāg,

ab daulat ! nij ātam supāg. 15.

Page 203 of 214
PDF/HTML Page 215 of 226
single page version

trījī ḍhāḷ

sachchā sukh do prakārakā, mokṣhamārga kathan,

samyakdarshanakī mahimā

(narendra chhandaḥ jogīrāsā)

ātamako hit hai sukh, so sukh ākulatā bin kahiye,

ākulatā shivamānhi na tātain, shivamag lāgyo chahiye;

samyagdarshan-gnān-charaṇ shiv-mag, so dvividh vichāro,

jo satyāratharūp so nishchay, kāraṇ so vyavahāro. 1.

paradravyanatain bhinna āpamen ruchi, samyaktva bhalā hai,

āparūpako jānapanon so, samyaggnān kalā hai;

āparūpamen līn rahe thir, samyakchārit soī,

ab vyavahār mokhamag suniye, hetu niyatako hoī. 2.

jīv ajīv tattva aru āsrav, bandh ru samvar jāno,

nirjar mokṣha kahe jin tinako, jyon kā tyon saradhāno;

hai soī samakit vyavahārī, ab in rūp bakhāno,

tinako sun sāmānya – visheṣhain, diḍh pratīt ur āno. 3.

bahirātam, antar-ātam, paramātam jīv tridhā hai,

deh-jīvako ek gine bahirātam tattvamudhā hai;

uttam madhyam jaghan trividhake antar-ātam gnānī,

dvividh saṅg bin shudh-upayogī muni uttam nijadhyānī. 4.

madhyam antar-ātam hain je, deshavratī, anagārī,

jaghan kahe avirat samadraṣhṭi, tīnon shivamagachārī;

sakal nikal paramātam dvaividh, tinamen ghātinivārī,

shrī arihanta sakal paramātam, lokālok nihārī. 5.

Page 204 of 214
PDF/HTML Page 216 of 226
single page version

gnānasharīrī trividh karmamal, varjit siddha mahantā,

te hain nikal amal paramātam, bhogain sharma anantā;

bahirātamatā hey jāni taji, antar-ātam hūjai,

paramātamako dhyāy nirantar, jo nit ānand pūjai. 6.

chetanatā bin so ajīv hai, pañch bhed tāke hain,

pudgal pañch varan-ras, gandh do, pharas vasu jāke hain;

jiy-pudgalako chalan-sahāī, dharmadravya anurūpī,

tiṣhṭhat hoy adharma sahāī, jin bin-mūrti nirūpī. 7.

sakal dravyako vās jāsamen, so ākāsh pichhāno,

niyat vartanā nishi-din so, vyavahārakāl parimāno;

yon ajīv, ab āsrav suniye, man-vach-kāy triyogā,

mithyā avirat aru kaṣhāy, paramād sahit upayogā. 8.

ye hī ātamako dukh kāraṇ, tātain inako tajiye,

jīv pradesh bandhai vidhison so, bandhan kabahun na sajiye;

sham-damatain jo karma na āvai; so samvar ādariye,

tap-balatain vidhi-jharan nirajarā, tāhi sadā āchariye. 9.

sakal karmatain rahit avasthā, so shiv, thir sukhakārī,

ihividh jo saradhā tattvanakī, so samakit vyavahārī;

dev jinendra, guru parigrah bin, dharma dayājut sāro,

yehu mān samakitako kāraṇ, aṣhṭa-aṅg-jut dhāro. 10.

vasu mad ṭāri, nivāri trishaṭhatā, ṣhaṭ anāyatan tyāgo,

shaṅkādik vasu doṣh vinā, samvegādik chit pāgo;

aṣhṭa aṅg aru doṣh pachīson, tin saṅkṣhepai kahiye,

bin jānetain doṣhagunan ko, kaise tajiye gahiye. 11.

Page 205 of 214
PDF/HTML Page 217 of 226
single page version

jinavachamen shaṅkā na dhār vr̥uṣh – bhavasukh-vāñchhā bhānai,

muni-tan malin na dekh ghināvai, tattva - kutattva pichhānai;

nij guṇ aru par auguṇ ḍhāṅke, vā nijadharma baḍhāvai,

kāmādik kar vr̥uṣhatain chigate, nij-parako su diḍhāvai. 12.

dharmīson gau-vachchha-prīti sam, kar, jinadharma dipāvai,

in guṇatain viparīt doṣh vasu, tinakon satat khipāvai;

pitā bhūp vā mātul nr̥up jo, hoy na to mad ṭhānai,

mad na rūpakau, mad na gnānakau, dhan-balakau mad bhānai. 13.

tapakau mad na, mad ju prabhutākau karai na, so nij jānai,

mad dhārai to yahī doṣh vasu, samakitakau mal ṭhānai;

kuguru-kudev-kuvr̥uṣhasevakakī, nahin prashans ucharai hai,

jinamuni jinashrut vin kugurādik, tinhain na naman kare hain. 14.

doṣharahit guṇasahit sudhī je, samyagdarash sajai hain,

charitamohavash lesh na sañjam, pai suranāth jajai hain;

gehī pai gr̥uhamen na rachain, jyon jalatain bhinna kamal hai,

nagaranāriko pyār yathā, kādemen hem amal hai. 15.

pratham narak vin ṣhaṭ bhū jyotiṣh vān bhavan ṣhaṇḍh nārī,

thāvar vikalatray pashumen nahi, upajat samyakdhārī;

tīnalok tihuṅkāl māhin nahin, darshan – so sukhakārī,

sakal dharamako mūl yahī, is bin karanī dukhakārī. 16.

mokṣhamahalakī paratham sīḍhī, yā vin gnān-charitrā,

samyaktā na lahai, so darshan dhāro bhavya pavitrā;

‘daul’ samajh sun chet sayāne, kāl vr̥uthā mat khovai,

yah narabhav phir milan kaṭhin hai, jo samyak nahin hovai. 17.

✽

Page 206 of 214
PDF/HTML Page 218 of 226
single page version

chothī ḍhāḷ

samyaggnān-chāritrake bhed, shrāvakake vrat,

dharmakī durlabhatā

(dohā)

samyak shraddhā dhāri puni, sevahu samyaggnān;

sva-par artha bahudharmajut, jo pragaṭāvan bhān. 1.

(rolā chhand)

samyak sāthai gnān hoy, pai bhinna arādhau,

lakṣhaṇ shraddhā jān, duhūmen bhed abādhau;

samyak kāraṇ jān, gnān kāraj hai soī,

yugapat hote hū, prakāsh dīpakatain hoī. 2.

tās bhed do hain, parokṣha paratachh tin māhīn,

mati shrut doy parokṣha, akṣha-manatain upajāhīn;

avadhignān manaparjay do hain desh-pratachchhā,

dravya-kṣhetra-parimāṇ liye jānai jiy svachchhā. 3.

sakal dravyake gun anant, parajāy anantā,

jānai ekai kāl, pragaṭ kevali bhagavantā;

gnān samān na ān jagatamen sukhako kāran,

ihi paramāmr̥ut janmajarāmr̥utirog-nivāran. 4.

koṭi janma tap tapain, gnān vin karma jharain je,

gnānīke chhinamen, triguptitain sahaj ṭarain te;

munivrat dhār anant bār grīvak upajāyau,

pai nij ātamagnān vinā, sukh lesh na pāyau. 5.

Page 207 of 214
PDF/HTML Page 219 of 226
single page version

tātain jinavar-kathit tattva abhyās karīje,

sanshay-vibhram-moh tyāg, āpo lakh līje;

yah mānuṣhaparyāy sukul, sunivau jinavānī,

ihavidhi gaye na mile, sumaṇi jyon udadhi samānī. 6.

dhan samāj gaj bāj, rāj to kāj na āvai,

gnān āpako rūp bhaye, phir achal rahāvai;

tās gnānako kāran, sva-par vivek bakhānau,

koṭi upāy banāy bhavya, tāko ur ānau. 7.

je pūrav shiv gaye, jāhin, aru āge jaihain,

so sab mahimā gnān-tanī, munināth kahain hain;

viṣhay-chāh dav-dāh, jagat-jan-arani dajhāvai,

tās upāy na ān, gnān-ghanaghān bujhāvai. 8.

puṇya – pāp phalamāhin, harakh-vilakhau mat bhāī,

yah pudgal-parajāy, upaji vinasai phir thāī;

lākh bātakī bāt yahī, nishchay ur lāo,

tori sakal jagadand-phand, nit ātam dhyāo. 9.

samyaggnānī hoy, bahuri diḍh chārit lījai,

ekadesh aru sakaladesh, tasu bhed kahījai;

trasahinsāko tyāg, vr̥uthā thāvar na san̐hārai,

par-vadhakār kaṭhor nindya nahin vayan uchārai. 10.

jal-mr̥utikā vin aur nāhin kachhu gahai adattā,

nij vanitā vin sakal nārison rahai virattā;

apanī shakti vichār, parigrah thoro rākhai,

dash dish gaman pramāṇ ṭhān, tasu sīm na nākhai. 11.

Page 208 of 214
PDF/HTML Page 220 of 226
single page version

tāhūmen phir grām galī gr̥uh bāg bajārā,

gamanāgaman pramāṇ ṭhān, an sakal nivārā;

kāhūkī dhanahāni, kisī jayahār na chintai,

dey na so upadesh, hoy agh vanaj-kr̥uṣhītain. 12.

kar pramād jal bhūmi vr̥ukṣha pāvak na virādhai,

asi dhanu hal hinsopakaraṇ nahin de yash lādhai,

rāgadveṣh-karatār, kathā kabahūn na sunījai,

aur hu anarathadaṇḍ, hetu agh tinhain na kījai. 13.

dhar ur samatābhāv, sadā sāmāyik kariye,

parav chatuṣhṭayamāhin, pāp taj proṣhadh dhariye;

bhog aur upabhog, niyamakari mamat nivārai,

muniko bhojan dey pher nij karahi ahārai. 14.

bārah vrat ke atīchār, pt. pt. na lagāvai,

maraṇ-samai sannyās dhāri, tasu doṣh nashāvai;

yon shrāvakavrat pāl, svarga solam upajāvai;

tahan̐tai chay narajanma pāy, muni hvai shiv jāvai. 15.

✽

pāñchamī ḍhāḷ

bārah bhāvanā

(chāl chhanda)

muni sakalavratī baḍabhāgī, bhav-bhoganatain vairāgī;

vairāgya upāvan māī, chintai anuprekṣhā bhāī. 1.

< Previous Page Next Page >