શ્રી દિગંબર જૈન સ્વાધ્યાયમંદિર ટસ્ટ, સોનગઢ -
પંચમહાવ્રત જોગત્રય, ઔર સકલ વ્યવહાર;
પરકો નિમિત્ત ખપાયકે, તબ પહુંચેં ભવપાર. ૩૧.
કહૈ નિમિત્ત જગ મૈં બડો, મોતૈં બડો ન કોય;
તીન લોકકે નાથ સબ, મો પ્રસાદતૈં હોય. ૩૨.
ઉપાદાન કહૈ તૂ કહા, ચહુંગતિમેં લે જાય;
તો પ્રસાદતૈં જીવ સબ, દુઃખી હોહિં રે ભાય. ૩૩.
કહૈ નિમિત્ત જો દુઃખ સહૈ, સો તુમ હમહિ લગાય;
સુખી કૌનતૈં હોત હૈ, તાકો દેહુ બતાય. ૩૪.
જા સુખકો તૂ સુખ કહૈ, સો સુખ તો સુખ નાહિં;
યે સુખ, દુખકે મૂલ હૈં, સુખ અવિનાશી માહિં. ૩૫.
અવિનાશી ઘટ ઘટ બસૈ, સુખ ક્યોં વિલસત નાહિં?
શુભનિમિત્તકે યોગ બિન, પરે પરે વિલલાહિં. ૩૬.
શુભનિમિત્ત ઇહ જીવકો, મિલ્યો કઈ ભવસાર;
પૈ ઇક સમ્યક્ દર્શ બિન, ભટકત ફિર્યો ગંવાર. ૩૭.
સમ્યક્ દર્શ ભયે કહા ત્વરિત મુક્તિમેં જાહિં;
આગે ધ્યાન નિમિત્ત હૈ, તે શિવકો પહુંચાહિં. ૩૮.
છોર ધ્યાનકી ધારના, મોર યોગકી રીતિ;
તોર કર્મકે જાલકો, જોર લઈ શિવપ્રીતિ. ૩૯.
તબ નિમિત્ત હાર્યો તહાં, અબ નહિં જોર બસાય;
ઉપાદાન શિવલોકમેં, પહુંચ્યો કર્મ ખપાય. ૪૦.
ઉપાદાન જીત્યો તહાં, નિજ બલ કર પરકાસ;
સુખ અનંત ધ્રુવ ભોગવૈ, અંત ન બરન્યો તાસ. ૪૧.
૧૯૪ ]
[ શાસ્ત્ર-સ્વાધ્યાય