shrI digambar jain svAdhyAyamandir TasTa, sonagaDh -
tAtain jinavar-kathit tattva abhyAs karIje,
sanshay-vibhram-moh tyAg, Apo lakh lIje;
yah mAnuShaparyAy sukul, sunivau jinavAnI,
ihavidhi gaye na mile, sumaNi jyon udadhi samAnI. 6.
dhan samAj gaj bAj, rAj to kAj na Avai,
gnAn Apako rUp bhaye, phir achal rahAvai;
tAs gnAnako kAran, sva-par vivek bakhAnau,
koTi upAy banAy bhavya, tAko ur Anau. 7.
je pUrav shiv gaye, jAhin, aru Age jaihain,
so sab mahimA gnAn-tanI, muninAth kahain hain;
viShay-chAh dav-dAh, jagat-jan-arani dajhAvai,
tAs upAy na An, gnAn-ghanaghAn bujhAvai. 8.
puNya – pAp phalamAhin, harakh-vilakhau mat bhAI,
yah pudgal-parajAy, upaji vinasai phir thAI;
lAkh bAtakI bAt yahI, nishchay ur lAo,
tori sakal jagadand-phand, nit Atam dhyAo. 9.
samyaggnAnI hoy, bahuri diDh chArit lIjai,
ekadesh aru sakaladesh, tasu bhed kahIjai;
trasahinsAko tyAg, vRuthA thAvar na sanhArai,
par-vadhakAr kaThor nindya nahin vayan uchArai. 10.
jal-mRutikA vin aur nAhin kachhu gahai adattA,
nij vanitA vin sakal nArison rahai virattA;
apanI shakti vichAr, parigrah thoro rAkhai,
dash dish gaman pramAN ThAn, tasu sIm na nAkhai. 11.
chhahaDhALA ]
[ 207