લહેં તુમ ધ્યાન કિયે નિરવાન, કહા વિસ્મય ઇસમેં ભગવાન;
તપોધન તો ગુનમેં મન ધાર, કરે જગજંતુ સુખી ભયટાર. ૮
પશુગન હું તુમ નામ રટાત, વિવેક વિના પદવી સુરપાત;
લખેં તુમરી છબિકું ભરિ નૈન, કહે મહિમા તિનકી કિમ બૈન. ૯
અહો તુમ જન્મ ભયો ઇહ ઠામ, લહ્યો સુખ નારક હુ અઘધામ;
અગોચર અક્ષ નિજાતમ રૂપ, તુમ્હેં ઉર ધાર લખેં મુનિ ભૂપ. ૧૦
મથેં તુમ વૈન સુકોમલ દારુ, જગેં કર જોરિ કૃશાનુ વિચારુ;
જરેં ઘન મોહ મહાવન ભૂરિ, લસેં નિજ જ્યોતિ સબે જગપૂરિ. ૧૧
જ્યોત તુમ વૈન કરિદ સરૂપ, કરે ચિદ ચિંતન કેલિ અનૂપ;
અનંત નયાતમ અંગ વિશાલ, હિતાહિત બોધ સુ ઉન્નત ભાલ. ૧૨
સુગ્રાહક ભાલ લસે વર સુંઢ, ફબેં સિત દંત પ્રમાન અખંડ;
કૃપાકર નીરત મત્ત મહાન, ઝરેં નયગંડન તેં પયદાન. ૧૩
રહી મંડી ભવ્ય સિલીમુખ ભીર, ધરેં સમતા મય ગોનસ ધીર;
કરે ઉપદેશ સુ ગર્જ નિષાદ, ઉદૈ શુભ સુંદર ઘંટ નિનાદ. ૧૪
અનાતમ ભાવ અનોકુહખંડિ, દઈ ભવસંસૃતિ બેલ વિહંડિ;
મહામુદ મંગલકું પ્રગટાત, લખે મુનિ ભૂપનિકું લલચાત. ૧૫
યહૈ વર વાનિક સો સુખદૈન, બસો હમરે ઉરમેં દિનરૈન;
કરો કરુના કરુનાજલ સિંધુ, સહી તુમ દીનનકે વરબંધુ. ૧૬
તુંહી પદપંકજકો ઉર વાસ, રહો જબલોં નહીં બંધનિ નાસ;
પ્રતીતિ તુંહી વચકી વરદેવ, રહે નિત હી ચરણાંબુજ સેવ. ૧૭
૧૭૮ ][ શ્રી જિનેન્દ્ર