સ્તવનમાળા ][ ૧૨૧
જુગમાલ સુ કુંભ હરી કમલા,
શશિ સૂર્ય ધનંજય નિર્ધુમિલા. ૫.
હરિપીઠ ભવન ધરણેન્દ્ર કહી,
સુરરાજ વિમાન એ સોલ કહી;
ઊઠ માત સુ પ્રાત ક્રિયા કરિકૈં,
પતિપૈં વિરતંત કહ્યો નિશિકૈં. ૬.
તબ અવધિ સુ જ્ઞાન વિચાર કરે,
તુવ ગર્ભ જિનેશ્વર આન લહે;
સુન દંપતિ મોદ ભરી અતિ હી,
પુનિ આસન કંપ ભઈ ચવ હી. ૭.
તબ આય સુ સપ્ત સમાજ લિયે,
જિન માત રુ તાત સનાન કિયે;
પુન પૂજિ જિનંદ સુ ધ્યાન કરી,
નિજ પુણ્ય ઉપાય ગયે સુઘરી. ૮.
સુર દેવિ સુ સેવ કરેં નિતહી,
જિન માત રમાવન કી ચિત હી;
કેઈ તાલ મૃદંગ સુ વીન લિયે,
મુરચંગ અનેક સુ નૃત્ય કિયે. ૯.
ઇમ ષષ્ટ પચાસ કુમારિ કરૈં,
અપને અપને કૃત ચિત્ત ધરૈં;
ઇન આદિ અનેક નિયોગ ભઈ,
કહિ કૌન શકે મૈં મંદ ધિઈ. ૧૦.