ધ્યાન કર ખડ્ગ લૈ મોહ અરિ મારિયો,
શેષ રજ વિઘ્ન ચઉ ઘાતિ સંહારિયો;
સમવસરણાદિ રચા બની પાવની,
બાહ્ય આભ્યંતરે સર્વ શોભા બની. ૬
ઇન્દ્ર ધરનેન્દ્ર નાગેન્દ્ર તહાં આઈયો,
પૂજિ જિનરાજકો શીશ નિજ નાઈયો;
ધર્મ – ઉપદેશ દૈ ભવ્ય જન તારિયૌ,
શૈલ સંમેદતૈં સિદ્ધપદ ધારિયૌ. ૭
અધમ ઉદ્ધારકી દેવ તુમ હો સહી,
જાનિ યહ ટેવ તુમ ચરન સેવક ગહી;
અરજ જિનરાજ યહ આજ સુનિ લીજિયે;
દાસકો વાસ પ્રભુ પાસ નિજ દીજિયે. ૮
શ્રી શીતલનાથ જિન – સ્તવન
(ચાલ – મંગલકી)
શીતલ પદ જુગ નમૂં ઉભૈ કર જોરહી,
ભિદલાપુર અવતરે અચ્યુત – પદ છોરહી;
દિઢરથ તાત વિખ્યા સુનંદા માયજી,
ચૈત કૃષ્ણ વસુ ગર્ભ લિયે સુખદાયજી.
સુખદાય ગર્ભકલ્યાણ કાજે આય સુરપતિ સબ મિલે,
જનની સુસેવા રાખિ ધનપતિ આપ સુરલોકેં ચલે;
ષટ – માસ લે નવ – માસ દિનમેં વાર ત્રય મણિ વર્ષયે,
ગર્ભ – કલ્યાણ મહંત મહિમા દેખિ સબ જન હર્ષયે. ૧
૨૪૦ ][ શ્રી જિનેન્દ્ર