જિનકે ગર્ભ કલ્યાણમાહીં સબ સુરાસુર આઈયો,
જિન માતપિતુકો હર્ષયુત શુચિ નીર ન્હવન કરાઈયો.
જિનવર જન્મમઝાર મહોત્સવ હરિ કિયો,
કનકાચલકે શીશ ન્હવન ઉત્સવ કિયો;
સુર કિન્નર ગંધરવ સુગુણ ધુનિ બાજહી,
જૈ જૈ શબ્દ અનુપમ દુન્દુભિ બાજહી.
વાજંતિ બાજે નચહિ સુરતિય ભક્તિ હિરદે વિસ્તરી,
નિજ જન્મ મનમેં સફલ જાનોં જબહિ જિનધુનિ ઉચ્ચરી,
સુરપતિ સહસકર કનક કલસા આઠ અધિક સુહાવને,
ભરિ ક્ષીરસાગર નીર નિર્મલ ભક્તિયુત હરિ પાવને.
શ્રીજિનવરકે શીશ કલશ — ધારા ઢરી,
દુન્દુભિ શબ્દ ગહીર સુરન જૈ જૈ કરી;
પાંડુક વનકે માંહિ ન્હવનજલ વિસ્તરો,
ઉમગો વારિપ્રવાહ સુનંદન વન પરયો.
વન ભદ્રસાલવિષૈ સુ પહુંચો જલ પવિત્ર અનૂપ હૈ,
સુરનર પવિત્ર સુકરન ઉજ્જ્વલ તીર્થ સમ શુચિ રૂપ હૈ;
કરિ જન્મ ઉત્સવ સકલ સુર ખગ હરષયુત નિજથલ ગએ,
જિનરાજ અરહ અનંતબલ ષટખંડપતિ ચક્રી ભએ.
કછુ કારનકોં પાય પ્રભૂ વૈરાગિયો,
તજો રાજકો સાજ જાય બન તપ લિયો.
ઘાતિ કરમ કર નાસ પ્રભૂ કેવલ લિયો,
સમવસરનવિધિ રચી ઇન્દ્ર હરષિત ભયો.
સ્તવનમાળા ][ ૨૪૭