188 ][ shrI jinendra
yon samAdhi ur mAhIn lAvo, apano hit jo chAho;
taji mamatA aru AThon madako, jyoti – sarUpI dhyAvo.
jo koI nit karat payAno, grAmAntar ke kAj;
so bhI sagun vichArai nIke, shubhake kAraN sAje. 50
mAt – pitAdik sarva kuTumb mili, nIke shakun banAvain;
haladI dhaniyA pungI akShat, dUdh dahI phal lAvain.
ek gAm jAvanake ke kAraN, karen shubhAshubh sAre;
jab par – gatiko karat payAno, tab nahin socho pyAre. 51
sarva kuTumb jab rovan lAgai, tohi rulAven sAre;
ye apashakun kare sun tokon, tU yon kyon na vichAre.
ab par – gatiko chAlan biriyAn, dharmadhyAn ur Ano;
chAron ArAdhan ArAdho, moh – tanon dukh hAno. 52
hoy nishalya tajo sab duvidhA, Atam – rAm sudhyAvo;
ab par – gati ko karahu payAno, param – tattva ur lAvo.
moh – jAl ko kAT piyAre, apano rUp vichAro;
mRutyu – mitra upakArI tero, yon nishchay ur dhAro. 53
(dohA)
‘mRutyu – mahotsav – pATh’kon, paDhen – suno budhivAn;
saradhA dhar nit sukh lahen, ‘sUrachand’ shiv – thAn.
panch ubhay nav ek shubh, samvat so sukhadAy;
ashvin shyAmA saptamI, kahyo pATh man lAy. 54