128 ][ shrī jinendra
4 – gnānakalyāṇak varṇan
( soraṭhā )
hoy digambar rūp, kṣhapak shreṇi puni māṇḍi kari,
bhaye sanyogī bhūp, namo tāsu vasu aṅg nami. 1.
( paddhaḍī chhand )
jab pragaṭyo jin keval subhān,
āsan kampyo sur asur jān;
dhanapati āgnā dīnī suresh,
samavasr̥ut āy rachyo jinesh. 2.
indra hu parivār samet āy,
jin pūj bhakti kīnī banāy;
nar khag pashu asur name jināy,
baiṭhe nij nij koṭhe sabhāy. 3.
tab samavasharaṇ lakhi indra harṣha,
tasu kiñchit varṇan likhau pūrva;
prākār nīlamaṇi bhūm sār,
chahun dish shivāṇ vis vis hajār. 4.
tapai su koṭ dhanu kidhaun āī,
dhūlisālā paṇ ratna bhāī;
chahun dish main mānastambh chār,
trai koṭ ru kaṭanī dhujā sār. 5.