stavanamāḷā ][ 133
5 – nirvāṇakalyāṇak varṇan
( dohā )
samavasharaṇ men vishvapati, kiyau vishva vyākhyān.
miṭyo jagat mithyāt sab, puni pahuñche niravān. 1.
( paddharī chhand )
jay ghāti prakr̥iti tresaṭh sañjogi,
do samay pichyāsī kṣhay ayogi;
paramaudārik tai gaye mukta,
jimin mūs mānhi ākāsh shukta. 2.
ik samay mān̐hi uradhasvabhāv,
jimi agnishikhā tanu ant chāv;
jalamachh iv sahakārīn dharma,
āgain keval ākāsh parma. 3.
sākār nirākāro va bhās,
sahajānand magna su chiddavilās;
guṇ āṭh ādi rājai anant,
gaṇadharase kahat na lahat ant. 4.
chetan paradeshī asta vyasta,
paramey agurulaghu darvasasta;
aru amūratīk su āṭh yev,
ye vastu svabhāv sadaiv tev. 5.