168 ][ shrī jinendra
khevain dev galinamen ghaṭ bhari dhūp sugandha suhāī,
mand sugandha pratāp pavanavan, dashahūn dishi en chhāī;
garuḍādikake chinha alaṅkr̥ut dhvaj chahun or virājai,
toran vandanavārī sohai navanidhikī chhabi chhājai. 9
devī dev khaḍe daravānī, dekhi bahut sukh pāvai,
samyakvant mahāshraddhānī bhavison prīti baḍhāvai;
tīn koṭike madhya jineshvar gandhakuṭī sukhadāī,
antarīkṣha sinhāsan upar, rājai tribhuvan rāī. 10
maṇimay tīn sinhāsan shobhā, varaṇat pār na pāūn,
prabhuke charaṇakamalatal shobhe, manamodit sir nāūn;
chandrakāntisam dīpti manohar, tīn chhatra chhabi ākhī,
tīn bhuvan ishvar tāke hain, mānon ve sab sākhī. 11
dundubhi shabda gahir ati bājai, upamā varani na jāī,
tīn bhuvan jīvan prati bhākhen jayaghoṣhaṇ sukhadāī;
kalpatarū vasu puṣhpa sugandhit gandhodakakī varṣhā,
devī dev karen nishivāsar, bhavi jīvan man harṣhā. 12
taru ashok kī upamā varaṇat bhavijan pār na pāvai,
rog viyog dukhī jan darshat, turatahin shok nashāvai;
kundapuhup sam shvet manohar, chausaṭh chamar ḍhurāhīn.
mānon niramal suragirike taṭ, jharanā jhamaki jharāhīn. 13
prabhutan shrī bhāmaṇḍalakī dyuti, adbhut tej virājai,
jākī dīpti manohar āge, koṭi divākar lājai;