188 ][ shrī jinendra
yon samādhi ur māhīn lāvo, apano hit jo chāho;
taji mamatā aru āṭhon madako, jyoti – sarūpī dhyāvo.
jo koī nit karat payāno, grāmāntar ke kāj;
so bhī sagun vichārai nīke, shubhake kāraṇ sāje. 50
māt – pitādik sarva kuṭumb mili, nīke shakun banāvain;
haladī dhaniyā puṅgī akṣhat, dūdh dahī phal lāvain.
ek gām jāvanake ke kāraṇ, karen shubhāshubh sāre;
jab par – gatiko karat payāno, tab nahin socho pyāre. 51
sarva kuṭumb jab rovan lāgai, tohi rulāven sāre;
ye apashakun kare sun tokon, tū yon kyon na vichāre.
ab par – gatiko chālan biriyān, dharmadhyān ur āno;
chāron ārādhan ārādho, moh – tanon duḥkh hāno. 52
hoy niḥshalya tajo sab duvidhā, ātam – rām sudhyāvo;
ab par – gati ko karahu payāno, param – tattva ur lāvo.
moh – jāl ko kāṭ piyāre, apano rūp vichāro;
mr̥utyu – mitra upakārī tero, yon nishchay ur dhāro. 53
(dohā)
‘mr̥utyu – mahotsav – pāṭh’kon, paḍhen – suno budhivān;
saradhā dhar nit sukh lahen, ‘sūrachand’ shiv – thān.
pañch ubhay nav ek shubh, samvat so sukhadāy;
ashvin shyāmā saptamī, kahyo pāṭh man lāy. 54