stavanamāḷā ][ 41
shrī jin – stavan
(chhand motiyādām varṇa 12)
[rāg troṭak]
mahāsukhasāgar āgar gnān,
anant sukhāmr̥ut mukta mahān;
mahābalamaṇḍit khaṇḍit kām,
ramā shiv saṅg sadā visarām. 1
surind phanind khagind narind,
munind jajai nit pādāravind;
prabhu tuv antar bhāv virāg,
subālahin ten vratashīl son rāg. 2
kiyo nahi kāj udās sarūp,
subhāvan bhāvat ātam rūp;
anitya sharīr prapañch samasta,
chidātam nitya sukhāshrit vasta. 3
asharna nahīn koū sharna lahāy,
jahān jiy bhogat karma vipāy;
nijātamake paramesur sharna,
nahīn inake vin āpad harna. 4
jagat jathā jal budabud yev,
sadā jiy ek lahe phalamev;
anek prakār dharī yah deh,
bhame bhav kānan ānan neh. 5