Shri Jinendra Stavan Manjari-Gujarati (simplified iso15919 transliteration).

Page 103 of 438
PDF/HTML Page 121 of 456
single page version

tāmahi chahun dishi shikhari utaṅg, tinako mān kahun saravaṅg;

dishi pūrav giri terah sahī, tākī upamā jāy na kahī. 4

madhya ek añjanake raṅg, shikhari utaṅg banyo saravaṅg;

sahas chaurāsī yojan mān, dhūparabat dekhyo bhagavān. 5

tāke chahun dishi parabat chār, ujjval varan mahā sukhakār;

chausaṭhi sahasra utaṅg ju hoy, dadhimukh nām kahāve soy. 6

ik ik dadhimukh parabat tās, dvai dvai ratikar achal nivās;

ik ik aruṇ varan giri mān, sahaj chavālis ūrddhapramān. 7

ihavidhi terah girivar gane, tā pari chaitya akr̥utrim bane;

ik ik giripar ik prāsād, tākī rachanā banī anād. 8

ik jinamandirako vistār, sunahu bhavik paramāgamasār;

giriko shikhar varat tihirūp, ratnamayī prāsād anūp. 9

ik chaityālay bimb pramān, ikaso āṭh anūpam jān;

ratnamaṇī sundar ākār, dhanuṣh pāñchaso ūrdhva udār. 10

im terah pūrab dishi kahe, tāko bhed jināgam lahe;

chhappanaso sorah bimb sabai, tākī bhāvan bhāūn abai. 11

anant gnān jo ātamarām, so pragaṭahi ih mudrā dhām;

lok alok vilokanahār, tā paradeshani yah ākār. 12

anant kālalon yahī svarūp, siddhālay rājai chidrūp;

sukh anant pragaṭe ihi dhyān, tātai jinapratimā paradhān. 13

Page 104 of 438
PDF/HTML Page 122 of 456
single page version

jinapratimā jinavaraṇe kahī, jin sādrashamen antar nahīn;

sab suravr̥und nandīshvar jāy, pūjahi tahān vividh dhar bhāy. 14

‘bhaiyā’ nitaprati shīsh navāy, vandan karahi param guṇ gāy;

ih dhyāvat nij pāvat sahī, tau jayamāl nandīshvar kahī. 15

❒

shrī pārshvanāthakī stuti

(kavitta)

ānandako kand kidhon pūnamako chand kidhon,

dekhiye dinand eso nand ashvasenako;

karamako harai phand bhramako karai nikand,

chūrai dukh dvand sukh pūrai mahā chainako;

sevat surind gun gāvat narind ‘bhaiyā’

dhyāvat munind tehū pāvain sukh ainako;

aiso jin chand karai chhinamen suchhand sutau,

aikṣhitako ind pārshva pūjon prabhu jainako. 1

koū kahai sūrasom dev hai pratyakṣha doū,

koū kahai rāmachandra rākhai āvāgaunason;

koū kahai brahmā baḍo sr̥uṣhṭiko karaiyā yahai,

koū kahai mahādev upajyo na jonason;

koū kahai kr̥iṣhṇa sab jīv pratipāl karai,

koū lāgi rahe hai bhavānījīke bhaunason;

Page 105 of 438
PDF/HTML Page 123 of 456
single page version

vahī upakhyān sācho dekhiye jahānn bīchi,

veshyāghar pūt bhayo bāp kahai kaunason. 2

vītarāg nāmasetī kām sab honhi nīke,

vītarāg nāmasetī dhāmadhan bhariye;

vītarāg nāmasetī vighan vilāy jāy,

vītarāg nāmasetī bhavasindhu tariye;

vītarāg nāmasetī param pavitra hūje,

vītarāg nāmasetī shivavadhū variye;

vītarāg nāmasam hitū nāhi dūjo koū,

vītarāg nām nit hiradaimen dhariye. 3

❀

shrī jin – stuti

(savaiyā)

dekh jinamudrā jinarūpako svarūp gahai,

rāgadveṣhamohako bahāy ḍārai palamen;

lokālokavyāpī brahma karmason abandh ved,

siddhako svabhāv sīkh dhyāve shuddha thalamen;

aise vītarāg jūke bimb hain virājamān,

bhavyajīv lahai gnān chetanake dalamen;

māñjhanī o maṇḍapakī rachanā anūp banī,

rāṇāpur ratna sam dekhyo puṇya phalamen. 1

Page 106 of 438
PDF/HTML Page 124 of 456
single page version

subuddhi prakāshamen su ātam vilāsamen su,

thiratā abhyāsamen sugnānako nivās hai;

ūradhakī rītimen jineshakī pratītimen su,

karmanakī jītamen anek sukh bhās hai;

chidānand dhyāvatahī nij pad pāvatahī,

dravyake lakhāvatahī dekhyo sab pās hai;

vītarāg vānī kahai sadā brahma aisen bhās,

sukhamen sadā nivās pūran prakāsh hai. 2

❐

tīnalokake akr̥utrim chaityālayakī stuti

(chopāī)

praṇamahun param devake pāy, man vach bhāv sahit shiranāy;

akr̥utrim jinamandir jahān, nitaprati vandan kīje tahān. 1

pratham patāl lokavistār, dash jātinake dev kumār;

tinake bhavan bhavan prati joy, ek ek jinamandir hoy. 2

asurakumāranake paramān, chausaṭh lākh chaitya bhagavān;

nāgakumāranake im bhākh, jinamandir chaurāsī lākh. 3

hemakumāranake paratakṣha, jinamandir hain bahatar lakṣha;

vidutakumāranake bhavanāl, lakṣha chhihattar namūn trikāl. 4

suparṇakumāranake sab jān, lakṣha bahattar chaitya pramān;

aganikumāranake prāsād, lakṣha chhihattar bane anād. 5

Page 107 of 438
PDF/HTML Page 125 of 456
single page version

vātakumār bhavan jinageh, lakṣha chhihattar bandahun teh;

udadhikumār anopam dhām, lakṣha chhihattar karun praṇām. 6

dīpakumār devake nāmv, lakṣha chhihattar namun tihan̐ ṭhāmv;

lakṣha chhyānave dig kumār, jinamandir sohai jaikār. 7

ye dash bhavan koṭi jahan̐ sāt, lakṣha bahattar kahe vikhyāt;

tin jinamandirako traikāl; vandan karun bhavan pātāl. 8

madhyalok jinachaitya pramān, tin prati bandon manadhar dhyān;

pañchameru assī jin bhaun, tinakī mahimā barane kaun. 9

vīs bahur gajadant nihār, tahān namūn jinachaitya chitār;

tīs kulāchal parvat shīs, jinamandir vandon nishadīs. 10

vijayāradh parvatapar kahe, jinamandir saushattar lahe;

suradruman dash chaitya pramān, vandan karon jor jugapān. 11

shrīvakṣhār girahin ur dharon, chaitya ashī nit vandan karon;

manuṣhottar parabat chahun or, namahun chār chaitya karajor. 12

aur kahūn jinamandir thān, ikṣhvākārahin chār pramān;

kuṇḍalagirikī mahimā sār, chaitya ju chār namūn niradhār. 13

ruchikanām girimahā bakhān, chaitya ju chār namūn ur ān;

nandīshvar bāvan girarāv, bāvan chaitya namahun dharabhāv. 14

madhyalok bhavike man bhāvan, chaitya chārasau aur aṭhāvan;

tin jinamandirako nishadīs, vandan karon nāy nij shīs. 15

❐

Page 108 of 438
PDF/HTML Page 126 of 456
single page version

vyantar jāti asaṅkhit dev, chaitya asaṅkhya namahun ih bhev;

jyotiṣh saṅkhyātain adhikāy, chaitya asaṅkhya namūn chitalāy. 16

ab suralok kahūn parakāsh, jāke namat jāhin agh nāsh;

pratham svarga saudharma vimān, lākh batīs namūn tihan thān. 17

dūjo uttar shreṇi ishān, lakṣhya aṭhāīs chaitya nidhān;

tījo sanatakumār kahāy, bārah lākh namūn dhar bhāy. 18

chautho svarga mahendra suṭhāmi, lākh āṭh jinachaitya namāmi;

brahma aur brahmottar doy, lākh chyār jinamandir hoy. 19

lāntav aur kahūn kāpiṣhṭa, sahas pachās namūn utakiṣhṭa;

shukra ru mahāshukra abhirām, chālis sahan̐sani karun praṇām. 20

satār sahasrār sur lok, ṣhaṭ sahasra charanan dyon dhok;

ānat prāṇ āraṇ achyut, chār svargase sāt sanyut. 21

prathamahi graiv chaitya jin dev, ikaso gyārah kīje sev;

madhyagraiv ekaso sāt, tākī mahimā jag vikhyāt. 22

upari graiv nibbai aru ek, tāhi namūn dhar param vivek;

nav navauttar nav prāsād, tāhi namūn tajike paramād. 23

sabake upar pañch vimān, tahan̐ jinachaitya namūn dhar dhyān;

sab suralokanakī marajād, kahī kathan jinavachan anād. 24

lakh chaurāsī mandir dīs, sahas satyāṇav aru teīs;

tīn lok jinabhavan nihār; tinakī ṭhīk kahūn uradhār. 25

āṭh koḍ aru chhappan lākh, sahas satyāṇav upar bhākh;

chahunse ikyāsī jinabhaun, tāhi namūn kariken chintaun. 26

Page 109 of 438
PDF/HTML Page 127 of 456
single page version

dhanuṣh pañchaso bimbapramān, ikasau āṭh chaitya prati jān;

nav arabba aru koṭi pachīs, trepan lākh adhik puni dīs. 27

sahas satāīs navase mān, aru aḍatālīs bimb pramān;

etī jin pratimā gan kīje, tinako namaskār nit kīje. 28

jinapratimā jinavarake bhesh, rañchak pher na kahyo jinesh;

jo jinapratimā so jinadev, yahai vichār karai bhavi sev. 29

anant chatuṣhṭay ādi apār, guṇ pragaṭai ih rūp majhār,

tātai bhavijan shīs navāy, vandan karahin yog tray lāy. 30

akr̥utrim aru kr̥utrim doy, jinapratimā vando nit soy;

vāramvār shīsh nij nāy, vandan karahun jineshvar pāy. 31

satrahasai paintālis sār, bhādon sudī chaudash guruvār;

rachanā kahī jināgam pāy, jai jai jai tribhuvanapatirāy. 32

(dohā)

dakṣha līn gunako nirakh, mūrakh mīṭhe vain;

‘bhaiyā’ jinavāṇī sune, hot sabanako chain. 33

✤

shrī jin – stuti

(savaiyā)

panth vahai saravagna jahān prabhu, jīv ajīvake bhed bataiye,

panth vahai ju nirgrantha mahāmuni, dekhat rūp mahāsukh paiye;

panth vahai jahan̐ granth virodh na, ādi au antalon ek lakhaiye,

panth vahai jahan̐ jīvadayāvr̥uṣh, karma khapāī kain siddhamen jaiye. 1

Page 110 of 438
PDF/HTML Page 128 of 456
single page version

panth vahai jahan̐ sādhu chalai, sab chetanakī charachā chitta laiye,
panth vahai jahan̐ āp virājat, lok alokake ish ju gaiye;
panth vahai paramān chidānand, jāke chalain bhav bhūl na aiye,
panth vahai jahan̐ mokṣhako mārag, sūdhe chale shivalokamen jaiye. 2

✥

shrī jinavar – stuti

(savaiyā)

kevalīke gnānamen pramāṇ ān sab bhāsai,

lok au alokan kī jetī kachhu bāt hai;

atīt kāl bhaī hai anāgatamen hoyagī,

vartamān samaikī vidit yon vikhyāt hai;

chetan achetanake bhāv vidyamān sabai,

ek hī samaimen jo anant hot jāt hai;

aisī kachhu gnānakī vishuddhatā visheṣh banī,

tāko dhanī yahai hans kaisen vilalāt hai. 1

chhyānave hajār nār chhinakamen dīnī chhār,

are man tā nihār kāhe tū ḍarat hai;

chhahon khaṇḍakī vibhūti chhāṇḍat na ber kīnhī,

chamū chaturaṅganason neh na dharat hai;

nau nidhān ādi je chaudah ratan tyāg,

deh setī neh tor van vicharat hai.

Page 111 of 438
PDF/HTML Page 129 of 456
single page version

aisī vibho tyāgat vilamb jin kīnhon nāhin,

tere kaho ketī nidhi soch kyon karat hain. 2

✧

shrī jin – stuti

(kavitta)

dehadhārī bhagavān kare nāhīn khān pān,

rahai koṭi pūrabalon jagamen prasidhi hai;

bolatā amol bol jībh hoṭh hālai nāhin,

daikhain aru jānai sab, indrī na avadhi hai;

ḍolat phirat rahai ḍag na bharat kahai,

parasaṅg tyāgī saṅg dekho ketī ridhi hai;

aisī acharaj bāt mithyā ur kaisen māt,

jānai sāñchī draṣhṭivāro jāke gnānanidhi hai. 1

dekhat jinandajūko dekhat svarūp nij;

dekhat hai lokālok gnān upajāyake;

bolat hai bol aise bolat na kou aisen,

tīn lok kathanako det hai batāyake;

chhahon kāy rākhivekī satya vain bhākhivekī,

paradravya nākhivekī kahai samujhāyake;

karam nasāyavekī āp nidhi pāyavekī,

sukhason aghāyavekī riddhi dai lakhāyake. 2

Page 112 of 438
PDF/HTML Page 130 of 456
single page version

shrī chaturvinshatitīrthaṅkar – stuti

(dohā)

vīs chār jagadīshako, bandon shīs navāy,

kahun tās jayamālikā, nāmakathan guṇ gāy. 1

(paddhari chhanda 16 mātrā)

jay jay prabhu r̥̄uṣhabh jinendradev,

jay jay tribhuvanapati karahin sev;

jay jay shrī ajit anant jor,

jay jay jihan karma hare kaṭhor. 2

jay jay prabhu sambhav shivasarūp,

jay jay shivanāyak guṇ anūp;

jay jay abhinandan nirvikār,

jay jay jihin karma kiye nivār. 3

jay jay shrī sumati sumati prakāsh,

jay jay sab karma nikarma nāsh;

jay jay padamaprabh padma jem,

jay jay rāgādi alipta nem. 4

jay jay jinadev supārshva pās,

jay jay guṇapuñj kahai nivās;

Page 113 of 438
PDF/HTML Page 131 of 456
single page version

jay jay chandraprabh chandrakānti,

jay jay tihun purajan haran bhrānti. 5

jay jay puṣhpadant mahant dev,

jay jay ṣhaṭ dravyani kahan bhev;

jay jay jin shītal shīlamūl,

jay jay jin manamath-mr̥ug-shāradūl. 6

jay jay shreyāns anant bachchha,

jay jay parameshvar ho pratachchha;

jay jay shrī jinavar vāsupūj,

jay jay pūjyanake pūjya tūj. 7

jay jay prabhu vimal vimal mahant,

jay jay sukh dāyak ho anant;

jay jay jinavar shrī anantanāth,

jay jay shivaramaṇī grahaṇ hāth. 8

jay jay shrī dharmajinendra dhanna;

jay jay jin nishchal karan manan;

jay jay shrī jinavar shāntidev,

jay jay chakrī tīrthaṅkaradev. 9

jay jay shrīkunthu kr̥upānidhān,

jay jay mithyātamaharan bhān;

⁸

Page 114 of 438
PDF/HTML Page 132 of 456
single page version

jay jay arijītan arahanāth,

jay jay bhavi jīvan mukti sāth. 10

jay jay malināth mahā abhīt,

jay jay jin mohanarendra jīt;

jay jay munisuvrat tum sugnān,

jay jay tribhuvanamen dīp bhān. 11

jay jay namināth nivās sukkha,

jay jay tihun bhavanani haran duḥkh;

jay jay shrī nemakumār-chand,

jay jay agnānamatake nikand. 12

jay jay shrīpārshva prasiddha nām,

jay jay bhavidāyak muktidhām;

jay jay jinavar shrī varddhamān,

jay jay anant sukhake nidhān. 13

jay jay atīt jin bhaye jeh,

jay jay su anāgan hvai hain teh;

jay jay jin hain je vidyamān,

jay jay tin bando dhar su dhyān. 14

❏

Page 115 of 438
PDF/HTML Page 133 of 456
single page version

jay jay jinapratimā jinasvarūp,

jay jayasu anant chatuṣhṭa bhūp;

jay jay man vach nij sīsanāy,

jay jay jay ‘bhaiyā’ namain subhāy. 15

(dhattā)

jinarūp nihāre āp vichāre, pher na rañchak bhed kahai,

‘bhaiyā’ im vande te chiranandai, sukh anant nijamāhin lahai. 16

❀

kavivar pt. banārasīdāsajīkr̥ut

shrī jinasahasranām – stotra

(dohā)

paramadev paranāmakar, guruko karahun praṇām,

budhibal varaṇon brahmake, sahasraaṭhottar nām. 1

keval padamahimā kahon, kahon siddha gunagān;

bhāṣhā prākr̥it sanskr̥it, trividhi shabda paramān. 2

ekārathavāchī shabad, aru dvirukti jo hoy;

nām kathanake kavitamen, doṣh na lāge koy. 3

(chaupāī 15 mātrā)

pratham omkārarūp ishān, karuṇāsāgar kr̥upānidhān;

tribhuvananāth ish guṇavr̥unda, girātīt guṇamūl aninda. 4

Page 116 of 438
PDF/HTML Page 134 of 456
single page version

guṇī guptī guṇavāhak balī, jagatadivākar kautūhalī;

kramavartī karuṇāmay kṣhamī, dashāvatārī dīragh damī. 5

alakh amūrati aras akhed, achal abādhit amar aved;

param paramaguru paramānanda, antarajāmī ānan̐dakanda. 6

prāṇanāth pāvan amalān, shīlasadan nirmal paramān;

tattvarūp taparūp amey, dayāketu avichal ādey. 7

shīlasindhu nirupam nirvāṇ, avināshī asparsha amān;

amal anādi adīn achhobh, anātaṅk aj agam alobh. 8

anavasthit adhyātamarūp, āgamarūpī aghaṭ anūp;

apaṭ arūpī abhay amār, anubhavamaṇḍan anagh apār. 9

¹vimalapūtashāsan dātār, dashātīt uddharan udār;

nabhavat puṇḍarīkavat hans, karuṇāmandir enavidhvans. 10

nirākār nihachai niramān, nānārasī lokaparamān;

sukhadharmī sukhagna sukhapāl, sundar guṇamandir guṇamāl. 11

(dohā)

ambaravat ākāshavat, kriyārūp karatār;

kevalarūpī kautūkī, kushalī karuṇāsāgar. 12

(chaupāī)

gnānagamya adhyātamagamya, ramāvirām ramāpati ramya;

apramāṇ aghaharaṇ purāṇ, anamit lokālok pramāṇ. 13

1. ‘vipul’ aisā bhī pāṭh hai

Page 117 of 438
PDF/HTML Page 135 of 456
single page version

kr̥upāsindhu kūṭastha achhāy, anabhav anārūḍh asahāy;

sugam anantarām guṇagrām, karuṇāpālak karuṇādhām. 14

lokavikāshī lakṣhaṇavanta, paramadev parabrahma ananta;

durārādhya durgastha dayāl, durāroh durgam drigapāl. 15

satyārath sukhadāyak sūr, shīlashiromaṇi karuṇāpūr;

gnānagarbha chidrūp nidhān, nityānanda nigam nirajān. 16

akath akaratā ajar ajīt; avapu anākul 1viṣhayātīt;

maṅgalakārī maṅgalamūl, vidyāsāgar vigatadukūl.2 17

nityānanda vimal nirujān, dharmadhurandhar dharmavidhān;

dhyānī dhāmavān dhanavān, shīlaniketan bodhanidhān. 18

lokanāth līlādhar siddha, kr̥utī kr̥utārath mahāsamr̥uddha;

tapasāgar tapapuñj achhed, bhavabhayabhañjan amr̥ut abhed. 19

guṇāvās guṇamay guṇadām, svaparaprakāshak ramatārām;

naval purātan ajit vishāl, guṇanivās guṇagrah guṇapāl. 20

(dohā)

laghurūpī lālachaharan, lobhavidāran vīr,

dhārāvāhī dhautamal, dhey dharādhar dhīr. 21

✣

(paddhari chhand)

chintāmaṇi chinmay param nem, pariṇāmī chetan param chhem;

chinmūrati chetā chidvilās, chūḍāmaṇi chinmay chandrabhās. 22

1 ‘vipati atīt’ aisā bhī pāṭh hai. 2 vastra.

Page 118 of 438
PDF/HTML Page 136 of 456
single page version

chāritradhām chit chamatkār, charanātamarūpī chidākār;

nirvāchak nirmam nirādhār, nirajog nirañjan nirākār. 23

nirabhog nirāsrav nirāhār, naganarakanivārī nirvikār;

ātamā anakṣhar amarajād, akṣhar abandh akṣhay anād. 24

āgat anukampāmay aḍol, asharīrī anubhūtī alol;

vishvambhar vismay vishvaṭek, vrajabhūṣhaṇ vrajanāyak vivek. 25

chhalabhañjan chhāyak chhīnamoh, medhāpati akalevar akoh;

adrauh avigrah ag araṅk, adbhutanidhi karuṇāpati abaṅk. 26

sukharāshi dayānidhi shīlapuñj, karuṇāsamudra karuṇāprapruñj;

vajropam vyavasāyī shivastha, nishchal vimukta dhruv suthir sustha. 27

jinanāyak jinakuñjar jinesh, guṇapuñj guṇākar maṅgalesh;

kṣhemaṅkar apad anantapāni, sukhapuñjashīl kulashīl khāni. 28

karuṇārasabhogī bhavakuṭhār, kuṣhivat kr̥ushānu dāran tusār;

kaitavaripu akal kalānidhān, dhiṣhaṇādhip dhyātā dhyānavān. 29

(dohā)

¹chhapākaropam chhalarahit, chhetrapāl chhetragna;

antarikṣhavat gaganavat, hutakarmā kr̥utayagna. 30

(paddhari chhanda)

lokānt lokaprabhu luptasamudra, samvar sukhadhārī sukhasamudra;

shivarasī gūḍharūpī gariṣhṭa, balarūp bodhadāyak variṣhṭa. 31

vidyāpati dhīdhav vigatavām, dhīvant vināyak vītakām;

dhīrasva shilīdram shīlamūl, līlāvilās jin shāradūl. 32

1. chandropam.

Page 119 of 438
PDF/HTML Page 137 of 456
single page version

paramārath paramātam punīt, tripuresh tejanidhi trapātīt;

taparāshi tejakul tapanidhān, upayogī ugra udotavān. 33

utpātaharaṇ uddāmadhām, vrajanāth vimakṣhar vigatanām;

bahurūpī bahunāmī ajoṣh, viṣhaharaṇ vihārī vigatadoṣh. 34

chhitināth chhamādhar chhamāpāl, durgamya dayārṇav dayāmāl;

chaturesh chidātam chidānand, sukharūp shīlanidhi shīlakanda. 35

rasavyāpak rājā nītivant, r̥̄iṣhirūp maharṣhi mahamahant;

parameshvar paramar̥̄iṣhi pradhān, paratyāgī pragaṭ pratāpavān. 36

paratakṣhaparamasukh paramamudra, hantāri paramagati guṇasamudra;

sarvagna sudarshan sadātr̥upta, shaṅkar suvāsavāsī alipta. 37

shivasampuṭavāsī sukhanidhān, shivapanth shubhaṅkar shikhāvān;

asamān anshadhārī asheṣh, nirdvandī nirjaḍ niravasheṣh. 38

(dohā)

vismayadhārī bodhamay, vishvanāth vishvesh,

bandhavimochan vajravat budhināyak vibudhesh. 39

✾

(chhanda roḍak)

mahāmantra maṅgalanidhān malaharan mahājap,

mokṣhasvarūpī muktināth matimathan mahātap;

nistaraṅga niḥsaṅga niyamanāyak nandīsur,

mahādāni mahagnāni mahāvistār mahāgur. 40

Page 120 of 438
PDF/HTML Page 138 of 456
single page version

paripūraṇ parajāyarūp kamalastha kamalavat,

guṇaniket kamalāsamūh dharanīsh dhyānarat;

bhūtivān bhūtesh bhārachham bharmauchhedak,

sinhāsananāyak nirāsh nirabhayapadavedak. 41

shivakāraṇ shivakaran bhavik bandhav bhavanāshan,

nīriransh niḥsamar siddhishāsan shivaāsan;

mahākāj mahārāj mārajit māravihaṇḍan,

guṇamay dravyasvarūp dashādhar dāridakhaṇḍan. 42

jogī jog atīt jagat uddhāran ujāgar,

jagatabandhu jinarāj shīlasañchay sukhasāgar;

mahāshūr sukhasadan taranatāran tamanāshan,

aganitanām anantadhām niramad niravāsan. 43

vārijavat jalajavat padma-uppam paṅkajavat,

mahārām mahadhām mahāyashavant mahāsat;

nijakr̥upālu karuṇālu bodhanāyak, vidyānidhi,

prashamarūp prashamīsh paramajogīsh paramavidhi. 44

(vastu chhanda)

shubhakāranashīl ih shīl rāshi saṅkaṭ nivāran,

triguṇātam tapatihar paramahans parapañchavāran;

param padārath paramapath, dukhabhañjan duralakṣha,

toṣhī sukhapoṣhī sugati, damī digambar dakṣha. 45

❀

Page 121 of 438
PDF/HTML Page 139 of 456
single page version

(roḍak chhanda)

paramaprabodh parokṣharūp paramādanikandan,

paramadhyānadhar paramasādhu, jagapati jagavandan;

jinajinapatijinasinh, jagatamaṇibudhakulanāyak,

kalpātīt kulālarūp, dragmay dragadāyak. 46

kopanivāraṇ dharmarūp, guṇarāshi ripuñjay,

karuṇāsadan samādhirūp shivakar shatruñjay;

parāvarttarūpī prasanna, ātamapramodamay;

nijādhīn nirdvanda, brahmavedak vyatītabhay. 47

apunarbhav jinadev sarvatobhadra kalilahar,

dharmākar dhyānastha dhāraṇādhipati dhīradhar;

tripuragarbha triguṇī trikāl kushalātapapādap,

sukhamandir sukhamay anantalochan aviṣhādap. 48

lokaagravāsī trikālasākhī karuṇākar,

guṇaāshray guṇadhām girāpati jagataprabhākar;

dhīraj dhaurī dhautakarma dharmmag dhāmeshvar,

ratnākar guṇaratnarāshi rañjahar rāmeshvar. 49

niraliṅg shivaliṅgadhār bahutuṇḍ anānan,

guṇakadamba guṇarasik rūpaguṇ-aṅghrip-kānan;

❏

Page 122 of 438
PDF/HTML Page 140 of 456
single page version

niraaṅkush niradhārarūp nijapar paraprakāshak,

vigatāsrav nirabandh bandhahar bandhavināshak. 50

vr̥uhat anaṅk niransh anshaguṇasindhu guṇālay,

lakṣhmīpati līlānidhān vitapati vigatālay;

chandravadan guṇasadan chitradharma sukhathānak,

brahmāchārī vajravīy bahuvidhi niravānak. 51

(dohā)

sukhakadamba sādhakasaran, sujan iṣhṭasukhavās;

bodharūp bahulātamak, shītal shīlavilās. 62

✧ ✧ ✧

(rūp chaupāī)

kevalagnānī kevaladarasī, sanyāsī sanyamī samarasī,

lokātīt alokāchārī, trikālagna dhanapati dhanadhārī. 53

chintāharaṇ rasāyan rūpī, mithyādalan mahārasakūpī,

nirvr̥utikartā mr̥uṣhāpahārī, dhyānadhurandhar dhīrajadhārī. 54

dhyānanāth dhyāyak balavedī, ghaṭātīt ghaṭahar ghaṭabhedī,

udayarūp uddhat utasāhī, kaluṣhaharaṇahar kilviṣhadāhī. 55

❋vītarāgabuddhi suvichārī, chandropam vitandra vyavahārī;

agatirūp gatirūp vidhātā, shivavilās shuchimay sukhadātā. 56

❋ pāṭhāntaraḥ vītarāg buddhish viṣhārī.

< Previous Page Next Page >