દિવિતૈં આવનહાર ભયે ભવિભાગઉદયબલ,
પહલેહી સુર આય કનકમય કીય મહીતલ;
મનગૃહધ્યાનદુવાર આય નિવસો જગનામી,
જો સુવરન તન કરો કૌન યહ અચરજ સ્વામી. ૪
પ્રભુ સબ જગકે વિના હેતુ બાંધવ ઉપકારી,
નિરાવરન સર્વજ્ઞ શક્તિ જિનરાજ તિહારી;
ભક્તિરચિત મમચિત્ત સેજ નિત વાસ કરોગે,
મેરે દુખસંતાપ દેખ કિમ ધીર ધરોગે. ૫
ભવવનમેં ચિરકાલ ભ્રમ્યો કછુ કહિય ન જાઈ,
તુમ થુતિકથાપિયૂષવાપિકા ભાગન પાઈ;
શશિ તુષાર ઘન સાર હાર શીતલ નહિં જા સમ,
કરત ન્હૌન તામાહિં ક્યોં ન ભવતાપ બુઝૈ મમ. ૬
શ્રી વિહાર પરિવાહ હોત શુચિરૂપ સકલ જગ,
કમલકનક આભાવ સુરભિ શ્રીવાસ ધરત પગ;
મેરો મન સર્વંગ પરસ પ્રભુકો સુખ પાવૈ,
અબ સો કૌન કલ્યાન જો ન દિન દિન ઢિગ આવૈ. ૭
ભવતજ સુખપદ બસે કામમદસુભટ સંહારે,
જો તુમકો નિરખંત સદા પ્રિયદાસ તિહારે;
તુમવચનામૃતપાન ભક્તિઅંજુલિસોં પીવૈ,
તિન્હે ભયાનક ક્રૂરરોગરિપુ કૈસે છીવૈ. ૮
૩૬૦ ][ શ્રી જિનેન્દ્ર