જગ-વિજયી દુખદાય રાગરુષ, તુમ તિનકી થિતિ ભાની;
શાંતિસુધાસાગર ગુનઆગર, પરમ વિરાગ વિજ્ઞાની. પ્રભુ૦ ૨
સમવસરન અતિશય કમલાજુત, પૈ નિરગ્રંથ નિદાની;
કોહ વિના દુઠ મોહ વિદારક, ત્રિભુવનપૂજ્ય અમાની. પ્રભુ૦ ૩
એકસ્વરૂપ સકલજ્ઞેયાકૃત, જગઉદાસ જગજ્ઞાની;
શત્રુમિત્ર સબમૈં તુમ સમ હો, જો દુખસુખફલથાની. પ્રભુ૦ ૪
પરમ બ્રહ્મચારી હ્વૈ પ્યારી, તુમ હેરી શિવરાની;
હ્વૈ કૃતકૃત્ય તદપિ તુમ શિવમગ, ઉપદેશક – અગવાની. પ્રભુ૦ ૫
ભઈ કૃપા તુમરી તુમમૈં યહ, ભક્તિ સુ મુક્તિનિશાની;
હ્વૈ દયાલ અબ દેહુ દૌલકો, જો તુમને કૃતિ ઠાની. પ્રભુ૦ ૬
❐
શ્રી જિન – સ્તવન
(મેરી ભાવના — રાગ)
પ્રભૂપૈ યહ વરદાન સુપાઊં, ફિર જગકીચ બીચ નહિં આઊં ટેક.
જલ ગંધાક્ષત પુષ્પ સુ મોદક, દીપ ધૂપ ફલ સુંદર લ્યાઊં;
આનંદજનક-કનક-ભાજનધરિ, અર્ઘ અનર્ઘ બનાય ચઢાઊં.
પ્રભૂપૈ૦ ૧
આગમકે અભ્યાસમાંહિં પુનિ, ચિત એકાગ્ર સદીન લગાઊં;
સંતનિકી સંગતિ તજિકૈ મૈં, અંત કહૂ ઇક છિન નહિં જાઊં.
પ્રભૂપૈ૦ ૨.
૪૦૦ ][ શ્રી જિનેન્દ્ર