(પદ્ધરી છંદ)
જય વીતરાગ વિજ્ઞાનપૂર, જય મોહતિમિરકો હરન સૂર;
જય જ્ઞાન અનંતાનંત ધાર, દ્રગસુખવીરજમંડિત અપાર. ૨
જય પરમશાંત મુદ્રા સમેત, ભવિજનકો નિજ અનુભૂતિ હેત;
ભવિ ભાગનવશજોગેવશાય, તુમ ધુનિ હ્વે સુનિ વિભ્રમ નસાય. ૩
તુમ ગુણ ચિંતત નિજપરવિવેક, પ્રગટૈ વિઘટે આપદ અનેક;
તુમ જગભૂષણ દૂષણવિયુકત, સબ મહિમાયુકત વિકલ્પમુકત. ૪
અવિરુદ્ધ શુદ્ધ ચેતનસ્વરૂપ, પરમાત્મ પરમ પાવન અનૂપ;
શુભઅશુભવિભાવ અભાવ કીન, સ્વાભાવિક-પરિણતિમય અછીન. ૫
અષ્ટાદશદોષવિમુક્ત ધીર, સુચતુષ્ટયમય રાજત ગંભીર;
મુનિગણધરાદિ સેવત મહંત, નવકેવલલબ્ધિ રમા ધરંત. ૬
તુમ શાસન સેય અમેય જીવ, શિવ ગયે જાહિં જૈહૈં સદીવ;
ભવસાગરમેં દુઃખ છાર વારિ, તારનકો અવર ન આપ ટારિ. ૭
તાતૈં અબ ઐસી કરહુ નાથ, વિછુરૈ ન કભી તુવ ચરણ સાથ;
તુમ ગુણગણકો નહિં છેવ દેવ, જગ તારનકો તુમ વિરદ એવ. ૮
આતમ કે અહિત વિષય કષાય, ઇનમેં મેરી પરિણતિ ન જાય,
મૈં રહૂં આપમૈં આપ લીન, સો કરો હોઉં જ્યોં નિજાધીન. ૯
મેરે ન ચાહ કછુ ઔર ઈશ, રત્નત્રયનિધિ દીજે મુનીશ;
મુજ કારજ કે કારણ સુ આપ, શિવ કરહુ, હરહુ મમ મોહતાપ. ૧૦
સ્તવન મંજરી ][ ૪૦૭