जिने भक्तिर्जिने भक्तिर्जिने भक्तिर्दिने दिने ।
सदा मेऽस्तु सदा मेऽस्तु सदा मेऽस्तु भवे भवे ।।
जिनधर्मविनिर्मुक्तो मा भवच्चक्रवर्त्यपि ।
स्याच्चेटोऽपि दरिद्रोऽपि जिनधर्मानुवासितः ।।
जन्मजन्मकृतं पापं जन्मकोटिमुपार्जितम् ।
जन्ममृत्युजरारोगं हन्यते जिनदर्शनात् ।।
अद्याभवस्सफलता नयनद्वयस्य,
देव त्वदीय चरणाम्बुजवीक्षणेन ।
अद्य त्रिलोकतिलक प्रतिभासते मे,
संसारवारिधिरयं चुलुकप्रमाणम् ।।
इति देवदर्शनं सम्पूर्णम् ।
❀
जिनेन्द्रदर्शनस्तोत्र
अद्य मे सफलं जन्म नेत्रे च सफले मम ।
त्वामद्राक्षं यतो देव हेतुमक्षयसम्पदः ।।१।।
अद्य संसारगम्भीरपारावारः सुदुस्तरः ।
सुतरोऽयं क्षणेनैव जिनेन्द्र तव दर्शनात् ।।२।।
अद्य मे क्षालितं गात्रं नेत्रे च विमले कृते ।
स्नातोऽहं धर्मतीर्थेषु जिनेन्द्र तव दर्शनात् ।।३।।
[ ७ ]