શાશ્વત સુખનો માર્ગ દર્શાવતું માસિક
આત્મધર્મ
વર્ષ ૧ લું અંક ૨ પોષ ૨૦
દર મહિનાની શુદ ૨ ના પ્રગટ થાય છે.
શરૂ થતા નવા મહિનાથી જ ગ્રાહક થઈ શકાય છે.
વાર્ષિક લવાજમ રૂા. ૨–૮–૦ છુટક નકલ ૪ આના. પરદેશનું વા. લ. ૩–૨–૦ ગ્રાહકો તરફથી સૂચના આવ્યા
વગર નવા કે જૂના ગ્રાહકોને વી. પી. કરવામાં આવતું નથી.
લવાજમ પૂરૂં થયે લવાજમ પૂરૂં થયાની સ્લીપ છેલ્લા અંકમાં ચોંટાડી ગ્રાહકને જાણ કરવામાં આવે છે.
ગ્રાહક તરીકે ચાલુ રહેનારે કાં તો મની–ઓર્ડરથી લવાજમ મોકલી આપવું અથવા વી. પી. થી લવાજમ વસુલ
કરવાની સૂચના લખી જણાવવી.
મ. ઓ. કે વી. પી. કરવાની સૂચના નહિ આવે તો ગ્રાહક તરીકે ચાલુ રહેવા નથી ઈચ્છતા એમ સમજી માસિક
મોકલવું બંધ કરવામાં આવશે.
નમુનાની નકલ મફત મોકલવામાં આવતી નથી. માટે નમુનાની નકલ મંગાવનારે ચાર આનાની ટિકિટો મોકલવી.
સરનામાનો ફેરફાર અમોને તુરત જણાવવો કે જેથી નવો અંક નવા સરનામે મોકલાવી શકાય.
ગ્રાહકોએ પત્રવહેવાર કરતી વખતે પોતાનો ગ્રાહક નંબર અવશ્ય જણાવવા વિનંતિ છે.
વર્ષના કોઈ પણ મહિનાથી ગ્રાહકો નોંધવામાં આવતા હોવાથી, મહિના કરતાં અંકના પૂંઠા ઉપર મોટા અક્ષરે
છાપવામાં આવતા સંખ્યાંકની જ ગણતરી રાખવામાં આવે છે. જેટલામાં અંકથી લવાજમ ભરવામાં આવે તે અંકથી
ગણીને બાર અંક ગ્રાહકોને મોકલવામાં આવે છે. એટલે, ગ્રાહકોએ પણ મહિનાની નહિ પણ અંકોની સંખ્યાની જ
ગણતરી રાખવી.
સોલ એજન્ટ શિષ્ટ સાહિત્ય ભંડાર – વિજયાવાડી, મોટા આંકડિયા કાઠિયાવાડ
અનેકાન્ત ધર્મ સર્વજ્ઞનો મત અનેકાન્ત છે.
અનેકાન્ત=એક વસ્તુમાં વસ્તુપણાની નીપજાવનારી પરસ્પર વિરુદ્ધ બે શક્તિઓનું પ્રકાશવું તે અનેકાન્ત છે.
(સમયસાર પા. ૪૮૮) અથવા બીજી રીતે અનેકાંતનું સ્વરૂપ કહીએ તો બે વિરોધ શક્તિઓને પ્રકાશે અને વસ્તુને
સિદ્ધ કરે તે અનેકાંત છે.
ભગવાને બે નય કહ્યા છે.
૧–નિશ્ચયનય–૨–વ્યવહારનય નિશ્ચયનય–તે સ્વભાવ આશ્રિત છે, વ્યવહારનય તે પરાશ્રિત–નિમિત્ત આશ્રિત છે.
તે બન્નેને જાણીને નિશ્ચય સ્વભાવના આશ્રયે પરાશ્રિત વ્યવહારનો નિષેધ તે અનેકાંત છે. પણ
(૧) કોઈવાર સ્વભાવથી ધર્મ થાય અને કોઈવાર વ્યવહારથી પણ ધર્મ થાય એમ કહેવું તે અનેકાંત નથી
એકાંત છે,
(૨) સ્વભાવથી લાભ થાય અને કોઈ દેવ, ગુરુ, શાસ્ત્ર પણ ધર્મ કરાવી દીયે એમ માન્યું તેણે બે તત્ત્વો એક
માન્યા–અર્થાત્ એકાંતવાદ માન્યો છે.
વ્યવહાર અને નિશ્ચય બન્ને નય છે ખરા, પણ તેમાં એકને (વ્યવહારને) માત્ર ‘છે’ એમ જાણવું, અને બીજા
(નિશ્ચય) ને આદરણીય માની તેનો આશ્રય કરવો તે જ અનેકાંત છે. આત્માનું સ્વરૂપ અનેકાંત છે.
સ્વભાવે શુધ્ધ નિત્ય; પર્યાયે અશુધ્ધ અનિત્ય તેમાં પર્યાય ઉપર દ્રષ્ટિ તે વ્યવહાર છે, અને સ્વભાવ ઉપર દ્રષ્ટિ
તે નિશ્ચય છે, બન્નેને માનીને નિશ્ચયને આદરવો તે અનેકાંત છે. અને તે નિશ્ચય સ્વભાવના જોરે જ ધર્મ થાય છે.
(પૂજ્ય સદ્ગુરુદેવના તા. ૧૪–૧૨–૪૩ ના વ્યાખ્યાન ઉપરથી.
ક્ષમા :– ‘આત્મધર્મ’ નો બીજો અંક બહુ જ મોડો પ્રગટ થાય છે. પરંતુ ટાઈપો, રજીસ્ટર નંબર તથા બ્લોક
વગેરેની તૈયારીમાં અનિવાર્ય ઢીલ થઈ છે, તે બદલ ગ્રાહક બંધુઓ દરગુજર કરશે એવી આશા છે. પ્રકાશક
સમાચાર :– તા. ૭ ડિસેમ્બર ૧૯૪૩ થી તા. ૧૨ સુધી રાજકોટ મુકામે રામકૃષ્ણ આશ્રમ તરફથી બધા ધર્મોની
પરિષદ ભરવામાં આવેલ હતી, તેમાં જૈન ધર્મ ઉપરના વિચારો દર્શાવવા આ સંસ્થાના પ્રમુખઃશ્રી રામજી
માણેકચંદ દોશીને આમંત્રણ આપવામાં આવ્યું હતું અને તે પરિષદમાં તેમણે તે વિષય ઉપર પોતાના વિચારો
જણાવ્યા હતા, તે પ્રસંગે તેમણે પોતાનું ભાષણ લેખીત તૈયાર કરેલું હતું. તે આ પત્રમાં અનુકૂળતા પ્રમાણે
પ્રસિદ્ધ કરવામાં આવશે.
મુદ્રક:– ચુનીલાલ માણેકચંદ રવાણી, શિષ્ટ સાહિત્ય મુદ્રણાલય વિજયાવાડી, મોટા આંકડિયા. કાઠિયાવાડ.
પ્રકાશક:– શ્રી જૈન સ્વાધ્યાય ટ્રસ્ટ સોનગઢ, વતી જમનાદાસ માણેકચંદ રવાણી, દિનકર નિવાસ વિજયાવાડી,
મોટા આંકડિયા, કાઠિયાવાડ.